THE NEWS PLUS PORTAL FOR THE DISCERNING INDIANS OVER THE GLOBE

Wednesday, December 8, 2021

THE NEWS PLUS PORTAL FOR THE DISCERNING INDIANS OVER THE GLOBE

Home Breaking news ഇന്ത്യയിലേക്ക് 25000 ഓക്സിജന്‍ കോണ്‍സെന്‍ട്രേറ്ററുകൾ: 'ഓവർടൈം' ജോലിയിലെന്ന് ചൈന

ഇന്ത്യയിലേക്ക് 25000 ഓക്സിജന്‍ കോണ്‍സെന്‍ട്രേറ്ററുകൾ: ‘ഓവർടൈം’ ജോലിയിലെന്ന് ചൈന

ന്യൂഡൽഹി: ഇന്ത്യയിൽ വിതരണം ചെയ്യാനുള്ള 25000 ഓക്സിജന്‍ കോണ്‍സെന്‍ട്രേറ്റേഴ്സ് നിര്‍മ്മിക്കാനായി നിര്‍മ്മാതാക്കള്‍ ‘ഓവര്‍ടൈം’ ജോലി ചെയ്യുകയാണെന്ന് ചൈന. കൊവിഡ് രണ്ടാം തരംഗം രൂക്ഷമായ ഇന്ത്യയിൽ നിന്നുള്ള ഓർഡറുകൾക്കനുസരിച്ചുള്ള നിർമ്മാണ പ്രവർത്തനങ്ങളിലാണ് മെഡിക്കൽ ഉൽപ്പന്ന വിതരണക്കാരെന്നാണ് ചൈന പറയുന്നത്. ചൈനീസ് അംബാസിഡര്‍ സുന്‍ വേയ്ഡോംഗാണ് ഇക്കാര്യം ട്വീറ്റ് ചെയ്തത്.

“ചൈനീസ് മെഡിക്കൽ വിതരണക്കാർ ഇന്ത്യയിൽ നിന്നുള്ള ഓർഡറുകളനുസരിച്ച് ഓവർടൈം പ്രവർത്തിക്കുകയാണ്. അടുത്ത ദിവസങ്ങളിലായി ഓക്സിജന്‍ കോണ്‍സെന്‍ട്രേറ്റേഴ്സിനായി 25000 ഓർഡറുകളെങ്കിലും ഉണ്ട്. ചരക്ക് വിമാനങ്ങളിൽ ഇവ എത്തിക്കാനുള്ള പദ്ധതിയിലാണ്. ചൈനീസ് കസ്റ്റംസ് പ്രക്രിയകൾ സുഗമമാക്കും,” സുന്‍ വേയ്ഡോം ട്വീറ്റ് ചെയ്തു.

ചൈനയുടെ സിച്വാന്‍ എയര്‍ലൈന്‍സ് ഇന്ത്യയിലേക്കുള്ള കാര്‍ഗോ വിമാനങ്ങള്‍ 15 ദിവസത്തേക്ക് റദ്ദാക്കിയത് മെഡിക്കൽ ഉൽപ്പന്നങ്ങൾ എത്തിക്കുന്നതിന് വെല്ലുവിളിയാകുമെന്ന് റിപ്പോർട്ടുകളുണ്ടായിരുന്നു. ഈ സാഹചര്യത്തിൽ തന്നെയാണ് ചൈനയുടെ ഭാഗത്ത് നിന്ന് ഇത്തരത്തിലൊരു പ്രതികരണം ഉണ്ടായിരിക്കുന്നത്.

രാജ്യത്ത് കൊവിഡ് വ്യാപനം രൂക്ഷമായി തുടരുകയാണ്. കഴിഞ്ഞ 24 മണിക്കൂറിനിടെ 3,86,452 കൊവിഡ് കേസുകളാണ് സ്ഥിരീകരിച്ചത്. ഇതോടെ ആകെ കൊവിഡ് ബാധിതരുടെ എണ്ണം 1,87,62,976 ആയി ഉയർന്നിരിക്കുകയാണ്. 31,70,228 ആക്ടീവ് കൊവിഡ് കേസുകളാണ് നിലവിൽ രാജ്യത്തുള്ളത്. 24 മണിക്കൂറിനിടെ 3498 മരണമാണ് റിപ്പോര്‍ട്ട് ചെയ്തത്.

രാജ്യത്ത് കൊവിഡ് കേസുകൾ കതിച്ചുയരുമ്പോൾ അസൗകര്യങ്ങൾ ചൂണ്ടിക്കാട്ടുന്നവർക്കെതിരെ നടപടി സ്വീകരിക്കരുതെന്ന് സുപ്രീംകോടതി നിർദേശം നൽകിയിട്ടുണ്ട്. ഓക്സിജൻ ദൗർലഭ്യത്തെക്കുറിച്ചോ, കിടക്കകളുടെയോ ഡോക്ടർമാരുടെയോ ക്ഷാമത്തെക്കുറിച്ചോ പോസ്റ്റുകൾ ഇടുന്നവർക്കെതിരെ വ്യാജപ്രചാരണത്തിന്‍റെ പേരിൽ യാതൊരു നടപടികളും സ്വീകരിക്കരുതെന്നാണ് സുപ്രീംകോടതി ഉത്തരവ്.

LEAVE A REPLY

Please enter your comment!
Please enter your name here

Most Popular

Recent Comments