THE NEWS PLUS PORTAL FOR THE DISCERNING INDIANS OVER THE GLOBE

Wednesday, December 1, 2021

THE NEWS PLUS PORTAL FOR THE DISCERNING INDIANS OVER THE GLOBE

Home Breaking news കുംഭമേള സന്ദർശിച്ചു മടങ്ങി: നേപ്പാളിലെ മുൻ രാജാവ് ജഞാനേന്ദ്രയ്ക്ക് കൊവിഡ്

കുംഭമേള സന്ദർശിച്ചു മടങ്ങി: നേപ്പാളിലെ മുൻ രാജാവ് ജഞാനേന്ദ്രയ്ക്ക് കൊവിഡ്

കാഠ്മണ്ഡു: കുംഭമേളയ്ക്ക് എത്തിയശേഷം ഇന്ത്യയിൽ നിന്ന് മടങ്ങിയ നേപ്പാളിലെ മുൻ രാജാവ് ജ്ഞാനേന്ദ്രയ്ക്കും രാജ്ഞി കോമള്‍ രാജ്യ ലക്ഷ്മി ദേവിയ്ക്കും കൊവിഡ് സ്ഥിരീകരിച്ചു. ഹരിദ്വാറിൽ ലക്ഷക്കണക്കിനു പേര്‍ പങ്കെടുത്ത കുംഭമേള സന്ദര്‍ശിച്ചു മടങ്ങി ദിവസങ്ങള്‍ക്കു ശേഷമായിരുന്നു ഇരുവര്‍ക്കും വൈറസ് ബാധ സ്ഥിരീകരിച്ചത്. കൊവിഡ് സാഹചര്യത്തിൽ കുംഭമേളയിലെ ചടങ്ങുകള്‍ വെട്ടിച്ചുരുക്കാൻ പിന്നീട് തീരുമാനിച്ചിരുന്നു.

കഴിഞ്ഞ ആഴ്ചയാണ് ഇരുവരും കുംഭമേളയ്ക്കായി ഇന്ത്യയിലെത്തിയത്. നിരഞ്ജനി അഖാരയുടെ തലവൻ ആചാര്യ മഹാമണ്ഡലേശ്വര്‍ കൈലാശാനന്ദ ഗിരി മഹാരാജുമായി ഇവര്‍ കൂടിക്കാഴ്ച നടത്തുകയും ചെയ്തിരുന്നു. കൂടാതെ നിരവധി സന്യാസിമാരും തീര്‍ഥാടകരുമായി ഇവര്‍ സംവദിക്കുകയും ചെയ്തിരുന്നു. നേപ്പാള്‍ മുൻ രാജാവിന് ചടങ്ങിൽ പ്രത്യേക സ്വീകരണം ലഭിക്കുകയും ചെയ്തിരുന്നു.

അതേസമയം, ചടങ്ങിൽ നേപ്പള്‍ മുൻ രാജാവ് മാസ്ക് ധരിക്കാതെയായിരുന്നു സന്യാസിമാരുമായി ഇടപഴകിയതെന്നായിരുന്നു റിപ്പോര്‍ട്ടുകള്‍. പരിപാടിയ്ക്ക് എത്തിയവര്‍ മാസ്കോ സാമൂഹിക അകലമോ പാലിക്കുന്നില്ലെന്നും റിപ്പോര്‍ട്ടുകള്‍ വന്നരുന്നു. കൊവിഡ് മാനദണ്ഡങ്ങള്‍ പാലിക്കാതെ പരിപാടിയിൽ സംബന്ധിച്ച ജ്ഞാനേന്ദ്ര രാജാവിനെതിരെ രൂക്ഷവിമര്‍ശനമായിരുന്നു ഉയര്‍ന്നത്. ഏപ്രിൽ 12ന് കുംഭമേളയിലെ പ്രധാന ചടങ്ങായ ഷാഹി സ്നാനത്തിനായുള്ള പദയാത്രയിലും ഇദ്ദേഹം പങ്കെടുത്തിരുന്നു.

മുൻപ് ഹിന്ദു രാജ്യമായിരുന്ന നേപ്പാളിലെ അവസാനത്തെ രാജാവാണ് ജ്ഞാനേന്ദ്ര. 2008ലായിരുന്നു രാജ്യത്ത് രാജഭരണം അവസാനിപ്പിച്ചത്. എന്നാൽ ഇന്ത്യയിലെ നിരവധി സന്യാസിമഠങ്ങളും അഖാരകളുമായി രാജകുടുംബത്തിന് അടുത്ത ബന്ധമാണുള്ളത്. ഇവിടങ്ങളിൽ രാജാവിന് പ്രത്യേക പരിഗണനയും ലഭിക്കാറുണ്ട്. രാജകുടുംബത്തിൻ്റെ പാരമ്പര്യം പിന്തുടര്‍ന്ന് ജ്ഞാനേന്ദ്ര ഇന്ത്യയിലെ നിരവധി ക്ഷേത്രങ്ങളും മുൻപ് സന്ദര്‍ശിച്ചിട്ടുണ്ട്.അതേസമയം, നേപ്പാളിൽ മാസങ്ങളായി തുടരുന്ന രാഷ്ട്രീയ അനിശ്ചിതത്വത്തിൻ്റെ സാഹചര്യത്തിൽ രാജകുടുംബം ഭരണത്തിൽ തിരിച്ചെത്തണമെന്ന് ആവശ്യപ്പെട്ട് നിരവധി പ്രക്ഷോഭങ്ങളും നടന്നിരുന്നു. ഈ സാഹചര്യത്തിലാണ് വര്‍ഷങ്ങള്‍ക്കു ശേഷം പഴയ രാജാവിൻ്റെ ഹരിദ്വാര്‍ സന്ദര്‍ശനം

LEAVE A REPLY

Please enter your comment!
Please enter your name here

Most Popular

Recent Comments