ദമ്മാമിൽ നിന്ന്​ തിരുവനന്തപുരത്തേക്കുള്ള എയർ ഇന്ത്യ എക്സ്​പ്രസ്​ വിമാനം സൗദി സമയം ഇന്ന്​ രാവിലെ 11ന്​ പുറപ്പെട്ടേക്കും

ദമ്മാം: ദമ്മാമിൽ നിന്ന്​ തിരുവനന്തപുരത്തേക്കുള്ള എയർ ഇന്ത്യ എക്സ്​പ്രസ്​ വിമാനം സൗദി സമയം ഇന്ന്​ രാവിലെ 11ന്​ (ഇന്ത്യൻ സമയം 1.30) പുറപ്പെട്ടേക്കും. രാവി​ലെ 11ന്​ പുറ​പ്പെടുന്ന രീതിയിൽ വിമാനം ഷെഡ്യൂൾ ചെയ്തിട്ടുണ്ട്​.

ഇന്നലെ പുലർച്ചെ നാലിന്​ പുറപ്പെടേണ്ട വിമാനമാണ്​ സാ​​ങ്കേതിക തകരാർ മൂലം സർവിസ്​ ഇന്നത്തേക്ക്​ മാറ്റിയത്​. ഇന്നലെ പുലർച്ചെ നാലിന്​ പുറപ്പെടേണ്ട വിമാനം പല പ്രാവശ്യം സർവിസിന്​ ശ്രമിച്ചെങ്കിലും സാ​ങ്കേതിക തകരാർ പരിഹരിക്കാൻ സാധിച്ചില്ല. ദമ്മാമിലെ കൊടുംചൂടിൽ എയർ കണ്ടീഷൻ ഇല്ലാത്ത വിമാനത്തിൽ നാല്​ മണിക്കൂർ യാത്രക്കാർക്ക്​ ഇരിക്കേണ്ടി വന്നിരുന്നു. ഗർഭിണികളും വയോധികരും കുട്ടികളും അടക്കമുള്ളവരാണ്​ പ്രയാസ​പ്പെട്ടത്​.