ന്യൂഡൽഹി: തന്നെ പിടികിട്ടാപ്പുള്ളിയായി പ്രഖ്യാപിക്കാനുള്ള മുംബൈ കോടതിയുടെ നടപടികൾ ചോദ്യം ചെയ്ത് വിവാദ വ്യവസായി വിജയ് മല്യ സമർപ്പിച്ച ഹരജി സുപ്രീംകോടതി തള്ളി. തന്റെ കക്ഷിയുമായി ബന്ധപ്പെടാൻ സാധിച്ചില്ലെന്നും വിഷയത്തിൽ നിർദേശങ്ങൾ ലഭിച്ചിട്ടില്ലെന്നും കോടതിയിൽ വാദം കേൾക്കവെ വിജയ് മല്യയുടെ അഭിഭാഷൻ ബോധിപ്പിച്ചു.
അതിനു പിന്നാലെ സുപ്രീംകോടതി ഹരജി തള്ളുകയായിരുന്നു. 2016 മാർച്ചിലാണ് ഇന്ത്യയിലെ വിവിധ ബാങ്കുകളിൽ നിന്ന് 9000കോടി വായ്പയെടുത്ത് തിരിച്ചടക്കാതെ വിജയ് മല്യ ബ്രിട്ടനിലേക്ക് മുങ്ങിയത്.
