ലണ്ടൻ: ബ്രിട്ടന്റെ രാജാവായി ചാൾസ് മൂന്നാമൻ അധികാരമേൽക്കുന്ന ചടങ്ങുകൾ പുരോഗമിക്കുന്നു. കാന്റർബറി ആർച്ച് ബിഷപ്പ് ജസ്റ്റിൻ വെൽബിയുടെ നേതൃത്വത്തിലാണ് ചടങ്ങുകൾ. ചാൾസിന്റെ ഭാര്യ കാമിലയുടെ രാജ്ഞിയായുള്ള സ്ഥാനാരാഹോണവും നടക്കും. ബക്കിങ്ഹാം കൊട്ടാരത്തിൽനിന്ന് ചാൾസും ഭാര്യ കാമിലയും വെസ്റ്റ് മിൻസ്റ്റർ ആബിയിലെത്തി.
വിവിധ രാജ്യങ്ങളിൽനിന്ന് 4000 അതിഥികളാണ് ചടങ്ങിനെത്തിയത്. ഇന്ത്യയുടെ ഉപരാഷ്ട്രപതി ജഗ്ദീപ് ധൻകർ, ഭാര്യ സുദേഷ് ധൻകർ, ബ്രിട്ടീഷ് പ്രധാനമന്ത്രി ഋഷി സുനക്, ആസ്‌ട്രേലിയൻ പ്രധാനമന്ത്രി ആന്തണി ആൽബനീസ്, ന്യൂസിലന്റ് പ്രധാനമന്ത്രി ക്രിസ് ഹിപ്കിൻസ്, യു.എസ് ഗായിക കാറ്റി പെറി തുടങ്ങി നിരവധിപേരാണ് ചടങ്ങിൽ പങ്കെടുക്കുന്നത്.
