കൊച്ചി: ഏക സിവിൽകോഡിൽ സിപിഎം സംഘടിപ്പിക്കുന്ന സെമിനാറിൽ പങ്കെടുക്കണോ വേണ്ടയോ എന്ന് തീരുമാനിക്കേണ്ടത് മുസ്ലിം ലീഗാണെന്ന് എഐസിസി ജനറൽ സെക്രട്ടറി കെസി വേണുഗോപാൽ. അവർ നേരത്തെ നിലപാട് വ്യക്തമാക്കിയതാണ്. അതിൽ കോൺഗ്രസിന് തൃപ്തിയാണ്. ഏക സിവിൽ കോഡിൽ കോൺഗ്രസിനെ വിമർശിക്കുന്ന ഗോവിന്ദൻ മാഷ് കണ്ണാടി ഒന്ന് കൂടി നോക്കണമെന്നും സിപിഎമ്മിന്റെ കുബുദ്ധി നടക്കില്ലെന്നും കെസി വേണുഗോപാൽ പറഞ്ഞു.
രാഹുൽ ഗാന്ധിയുടെ അപ്പീലിൽ തുടർനടപടികൾ അഭിഭാഷകരുമായി കൂടിയാലോചിച്ചെന്ന് രാഹുൽ ഗാന്ധിക്കെതിരായ കേസിൽ തുടർ നടപടികൾ അഭിഭാഷകരുമായി കൂടിയാലോചിച്ചു തീരുമാനിക്കും. രാഷ്ട്രീയ പ്രവർത്തകർക്ക് അഭിപ്രായ സ്വാതന്ത്ര്യം ഇല്ല. രാഹുൽ ഗാന്ധി പ്രതിയാകുന്നത് എങ്ങനെയാണ്. ഇതുകൊണ്ട് ഒന്നും വായ് മൂടി കെട്ടുന്നവനല്ല രാഹുൽ. അഭിപ്രായ സ്വാതന്ത്ര്യത്തിനെതിരായ പ്രവർത്തനങ്ങൾ മാധ്യമങ്ങൾ പോലും ചർച്ച ചെയ്യുന്നില്ല. അഭിപ്രായ സ്വാതന്ത്ര്യത്തിനായി 12ന് ദേശീയ വ്യാപകമായി മൗന സത്യാഗ്രഹം നടത്തുമെന്നും കെസി വേണുഗോപാൽ പറഞ്ഞു.
