അബുദാബി : താപനില 50 ഡിഗ്രി സെൽഷ്യസിനു തൊട്ടടുത്തെത്തിയതോടെ യുഎഇയിൽ കൊടും ചൂട്. ഇന്നലെ അബുദാബി അൽദഫ്രയിലെ ഹമീമിൽ രേഖപ്പെടുത്തിയ കൂടിയ ചൂട് 49.4 ഡിഗ്രി സെൽഷ്യസ്.
ഞായറാഴ്ച ഉച്ചയ്ക്കുശേഷം 3.15നാണ് ഉയർന്ന താപനില രേഖപ്പെടുത്തിയതെന്ന് സെന്റർ ഓഫ് മിറ്റീയറോളജി (എൻസിഎം) അറിയിച്ചു. കുറഞ്ഞ താപനില പുലർച്ചെ 5.30ന് 24.9 ഡിഗ്രിയായിരുന്നു. ശരീരത്തിലെ ജലാംശം നഷ്ടപ്പെടാതിരിക്കാൻ ഇടയ്ക്കിടെ വെള്ളം കുടിക്കണമെന്ന് ഡോക്ടർമാർ ആവശ്യപ്പെട്ടു.
