കൊല്ലം: സീരിയലിൽ അഭിനയിക്കാൻ അവസരം വാഗ്ദാനം ചെയ്ത് പ്രായപൂര്‍ത്തിയാകാത്ത പെൺകുട്ടിയെ പീഡിപ്പിച്ച യുവാവ് അറസ്റ്റിൽ. പള്ളിത്തോട്ടം, മൂതാക്കര ഇൻഫന്റ് ജീസസ് 79ൽ രാഹുലിനെയാണ്(30) പൊലീസ് അറസ്റ്റ് ചെയ്തത്. കഴിഞ്ഞ ജൂണിലാണ് സീരിയലിൽ അഭിനയിക്കാൻ അവസരം നൽകാമെന്ന് പറഞ്ഞ് പെൺകുട്ടിയുമായി സൗഹൃദം സ്ഥാപിച്ചത്.
പിന്നാലെ മൊബെെൽ ഫോൺ വഴി പെൺകുട്ടിയുടെ ചിത്രങ്ങൾ കരസ്ഥമാക്കി. ശേഷം ഈ ചിത്രങ്ങൾ മോർഫ് ചെയ്ത് കാണിച്ച് ഭീഷണിപ്പെടുത്തുകയായിരുന്നു. തുടർന്ന് പെൺകുട്ടിയെ കാറിൽ കടത്തിക്കൊണ്ടുപോയി കൊല്ലം ബെെപ്പാസിന് സമീപമുള്ള വീട്ടിലെത്തിച്ച് പീഡിപ്പിച്ചു. രാഹുൽ പിന്നീടും പെൺകുട്ടിയെ ഭീഷണിപ്പെടുത്തി ലെെംഗികാതിക്രമം നടത്തിയിരുന്നു. തുടർന്ന് പെൺകുട്ടി പൊലീസിൽ പരാതി നൽകി.
പരാതിയുടെ അടിസ്ഥാനത്തിൽ പൊലീസ് നടത്തിയ അന്വേഷണത്തിലാണ് പ്രതിയെ പിടികൂടിയത്. പൊലീസ് ഇൻസ്‌പെക്ടർ ഫയാസിന്റെ നിർദേശാനുസരണം എസ് ഐ സാജൻ, എ എസ് ഐ കൃഷ്ണകുമാർ, രാജേഷ്, എസ് സി പി ഒ ഷാനവാസ്, സി പി ഒ സുമ എന്നിവരടങ്ങിയ സംഘമാണ് ഇയാളെ അറസ്റ്റ് ചെയ്തത്.
