ജിലോങ്ങ്∙ ഗ്രേറ്റർ ജീലോങ്ങ് മലയാളി അസോസിയേഷൻ നടത്തുന്ന ഗ്രാൻഡ് മെഗാഷോ 2023 ഓഗസ്റ്റ് ഇരുപതാം തീയതി ക്രോയേഷ്യൻ കമ്മ്യൂണിറ്റി സെന്റററിൽ നടത്തും. സ്വാസികയും സംഘവും നയിക്കുന്ന അതിഗംഭീരമായ കലാപരിപാടികൾ ഉണ്ടായിരിക്കുന്നതോടൊപ്പം ഓസ്ട്രേലിയയിലെ 16 ടീമുകൾ പങ്കെടുക്കുന്ന വാശിയേറിയ വടംവലി മത്സരവും ഓൾ ഓവർ ഓസ്ട്രേലിയയിൽ നടക്കുന്ന രണ്ടാമത്തെ വടംവലി മത്സരവും ആണ്.
വടംവലി മത്സരത്തിൽ ഒന്നാം സ്ഥാനം നേടുന്നവർക്ക് എവറോളിംഗ് ട്രോഫിയും 30001 ഡോളർ ക്യാഷ് പ്രൈസും. രണ്ടും മൂന്നും സ്ഥാനം നേടുന്നവർക്ക് 10001 ,5001 ഡോളർ ക്യാഷ് പ്രൈസും. ഓസ്ട്രേലിയയിൽ നടത്തിയ സോളോ ബൈക്ക് റൈഡർ ഇരുപത്തിനാലു ദിവസം കൊണ്ട് (സർക്കും നാവികേഷൻ ബിഗ് ലാപ്) പൂർത്തിയാക്കിയ സജിത്ത് രാജിനെ അനുമോദിക്കുന്ന ചടങ്ങും നടക്കും.
കേരളത്തിന്റെ തനതായ ശൈലി വിളിച്ചോതുന്ന തിരുവാതിരകളിയും പുലിക്കളിയും ചെണ്ടമേളവും ആഘോഷത്തിന് മാറ്റുരയ്ക്കും. അതിനോടൊപ്പം 21 കൂട്ടം വിഭവങ്ങളോടുകൂടിയ വിഭവസമൃദ്ധമായ ഓണസദ്യയും ഉണ്ടായിരിക്കും.
