ദുബൈ: പ്രതികൂല കാലാവസ്ഥ മൂലം ചില വിമാനങ്ങൾ റദ്ദാക്കിയതായി അറിയിച്ച് ദുബൈയുടെ എമിറേറ്റ്‌സ് എയർലൈൻസ്. ഹോങ്കോങിലേക്കും തിരിച്ചുമുള്ള ചില സർവീസുകളാണ് രണ്ടു ദിവസത്തേക്ക് റദ്ദാക്കിയത്.
സോള ചുഴലിക്കാറ്റ് മൂലമുള്ള പ്രതികൂല കാലാവസ്ഥ കണക്കിലെടുത്താണ് സെപ്തംബർ 1,2 തീയതികളിലെ വിമാനങ്ങൾ റദ്ദാക്കിയതെന്ന് എയർലൈൻ വെബ്‌സൈറ്റിൽ അറിയിച്ചു.
ഹോങ്കോങിലേക്കുള്ള യാത്രക്കാരെ ഒരു വിമാനത്താവളങ്ങളിൽ നിന്നും സ്വീകരിക്കില്ലെന്ന് എയർലൈൻ കൂട്ടിച്ചേർത്തു. നേരത്തെ ടിക്കറ്റ് ബുക്ക് ചെയ്തവർ റീബുക്കിങ് ഓപ്ഷനുകൾക്കായി ട്രാവൽ ഏജന്റുമാർ, എമിറേറ്റ്‌സ് പ്രാദേശിക ഓഫീസുകൾ എന്നിവയുമായി ബന്ധപ്പെടുക.
