ന്യൂ‍ഡൽഹി: കോൺഗ്രസ് പാർലമെന്ററി പാർട്ടി അധ്യക്ഷ സോണിയ ഗാന്ധിയെ നേരിയ പനിയെ തുടർന്ന് ഡൽഹിയിലെ സർ ഗംഗാറാം ആശുപത്രിയിൽ പ്രവേശിപ്പിച്ചു. ഡോക്‌ടർമാരുടെ നിരീക്ഷണത്തിലാണെന്നും നിലവിൽ ആരോഗ്യനില തൃപ്തികരമാണെന്നും ബന്ധപ്പെട്ട വൃത്തങ്ങൾ അറിയിച്ചു.
ഈ വർഷം ഇതിനു മുന്‍പ് രണ്ടുതവണ സോണിയയെ ആശുപത്രിയിൽ പ്രവേശിപ്പിച്ചിരുന്നു. ശ്വാസകോശ അണുബാധയെ തുടർന്ന് 2023 ജനുവരി 12ന് സർ ഗംഗാറാം ആശുപത്രിയിൽ പ്രവേശിപ്പിച്ചിരുന്നു. ജനുവരി 17ന് ഡിസ്ചാർജ് ആയി. ശേഷം 2023 മാർച്ച് 2 ന് പനി ബാധിച്ചതിനെ തുടർന്ന് ഇതേ ആശുപത്രിയിൽ വീണ്ടും പ്രവേശിപ്പിച്ചു.
