ജറൂസലം: ഇസ്രായേലില്‍ പ്രവേശിച്ച് ഹമാസ് നടത്തിയ ആക്രമണത്തില്‍ അറുന്നൂറോളം പേരും ഗസയില്‍ ഇസ്രായേല്‍ ആക്രമണത്തില്‍ മുന്നൂറോളം പേരും മരിച്ചതായി റിപ്പോര്‍ട്ട്. ശനിയാഴ്ച പുലര്‍ച്ചെ ആരംഭിച്ച ആക്രമണത്തില്‍ ഇസ്രായേല്‍ ഭാഗത്തു നിന്നുള്ള മരണങ്ങളില്‍ കൃത്യമായ സ്ഥിരീകരണമില്ലെങ്കിലും അറുന്നൂറോളം പേരെന്നാണ് മാധ്യമങ്ങള്‍ പറയുന്നത്.
ഇസ്രായേയിലെ മരണസംഖ്യ ഉയര്‍ന്നതായി കാന്‍ പബ്ലിക് ബ്രോഡ്കാസ്റ്ററും ചാനല്‍ 12ഉം ഹാരെറ്റ്സ്, ടൈംസ് ഓഫ് ഇസ്രായേലും റിപ്പോര്‍ട്ടുകള്‍ പ്രസിദ്ധീകരിച്ചു.
ഇസ്രായേല്‍ പട്ടണങ്ങളില്‍ ഹമാസ് നടത്തിയ ആക്രമണത്തിനു പിന്നാലെ ഗസയിലേക്ക് ബോംബുകളഅ# വര്‍ഷിച്ച് ഇസ്രായേല്‍ പ്രതികാരം നടത്തിയിരുന്നു.
ഫലസ്തീന് പിന്നാലെ സംഘര്‍ഷം ഗസയ്ക്ക് പുറത്തേക്കും വ്യാപിച്ചുവെന്നാണ് റിപ്പോര്‍ട്ടുകള്‍ പറയുന്നത്. ഇസ്രായേലും ലെബനോനിലെ ഹിസ്ബുല്ലയും പീരങ്കികളും റോക്കറ്റുകളും ഉപയോഗിച്ച് ആക്രമണം നടത്തി. ഈജിപ്തിലെ അലക്സാണ്ട്രിയയില്‍ രണ്ട് ഇസ്രായേലി വിനോദസഞ്ചാരികളും അവരുടെ ഈജിപ്ഷ്യന്‍ ഗൈഡും വെടിയേറ്റു മരിച്ചു.
