ലണ്ടന്‍: ഇന്ത്യക്കാര്‍ ഉള്‍പ്പെടെയുള്ള നഴ്‌സുമാര്‍ക്കൊപ്പം ചാള്‍സ് മൂന്നാമന്‍ രാജാവിന്റെ പിറന്നാള്‍ ആഘോഷം. ബക്കിങ് ഹാം കൊട്ടാരത്തിലാണ് നഴ്‌സുമാര്‍ക്കൊപ്പം ചാള്‍സ് മൂന്നാമന്‍ എഴുപത്തിയഞ്ചാം പിറന്നാള്‍ ആഘോഷിച്ചത്.
ഇന്ത്യക്കു പുറമേ ഫിലിപ്പീന്‍സ്, ശ്രീലങ്ക, നേപ്പാള്‍, കെനിയ എന്നീ രാജ്യങ്ങളിലെയും നഴ്‌സുമാരാണ് ആഘോഷത്തില്‍ പങ്കെടുത്തത്. ക്ഷണിക്കപ്പെട്ട 400 നഴ്‌സുമാരും മിഡ് വൈഫുകളുമാണ് ആഘോഷത്തിനുണ്ടായിരുന്നത്.
രാജാവിന്റെ പിറന്നാള്‍ പ്രമാണിച്ച് ലണ്ടനില്‍ വിവിധയിടങ്ങളില്‍ ഗണ്‍ സല്യൂട്ടുകള്‍ നടത്തി. പിറന്നാള്‍ ദിനത്തില്‍ നിരവധി പരിപാടികളിലാണ് രാജാവ് പങ്കെടുത്തത്. രാജ്ഞി കാമിലക്കൊപ്പം ഓക്‌സ്‌ഫോര്‍ഡ്ഷയറിലെ പ്രളയ ബാധിക പ്രദേശങ്ങള്‍ സന്ദര്‍ശിച്ച ചാള്‍സ് കൊറണേഷന്‍ ഫുഡ് പ്രോജക്റ്റിനു തുടക്കം കുറിച്ചു.
