പി പി ചെറിയാൻ
ന്യൂ ഹാംഷെയർ:കോൺകോർഡ് ആശുപത്രിയിൽ നടന്ന വെടിവയ്പ്പിനെക്കുറിച്ച് ന്യൂ ഹാംഷെയർ അധികൃതർ കൂടുതൽ വിവരങ്ങൾ പങ്കുവച്ചു. കൊല്ലപ്പെട്ടത് മുൻ ഫ്രാങ്ക്ലിനിൽ പോലീസ് മേധാവിയും ഇപ്പോൾ ന്യൂ ഹാംഷെയർ ഡിപ്പാർട്ട്‌മെന്റ് ഓഫ് സേഫ്റ്റി സെക്യൂരിറ്റി ഓഫീസറുമായ ബ്രാഡ്‌ലി ഹാസും വെടിവെച്ചുവെന്നു വിശ്വസിക്കുന്ന ഗൺമാനുമാണെന്ന് അന്വേഷണ ഉദ്യോഗസ്ഥർ തിരിച്ചറിഞ്ഞു.
മുമ്പ് ഫ്രാങ്ക്ലിനിൽ പോലീസ് മേധാവിയായി സേവനമനുഷ്ഠിക്കുകയും ആശുപത്രിയുടെ സെക്യൂരിറ്റി ഓഫീസറായി ജോലി ചെയ്യുകയും ചെയ്തിരുന്ന ഫ്രാങ്ക്ലിനിലെ ഹാസിനെ(63) ജോൺ മഡോർ (33) വെടിവച്ചു കൊന്നു,” അറ്റോർണി ജനറൽ ജോൺ ഫോർമെല്ല പറഞ്ഞു.
ജോൺ മഡോർ ഉച്ചകഴിഞ്ഞ് 3:38 ന് സംസ്ഥാന തലസ്ഥാന നഗരത്തിലെ ക്ലിന്റൺ സ്ട്രീറ്റിലെ ന്യൂ ഹാംഷെയർ ഹോസ്പിറ്റലിലെ ലോബിയിൽ പ്രവേശിച്ചു ഒരാളെ വെടിവച്ചു,” ന്യൂ ഹാംഷെയർ സ്റ്റേറ്റ് പോലീസ് ഡയറക്ടർ കേണൽ മാർക്ക് ഹാൾ പറഞ്ഞു.തൊട്ടടുത്തുണ്ടായിരുന്ന “ആശുപത്രിയിൽ നിയോഗിക്കപ്പെട്ട ഒരു സ്റ്റേറ്റ് ട്രൂപ്പർ സംശയിക്കുന്നയാളെ വെടിവെച്ച് കൊല്ലുകയും ചെയ്തു.”
സുരക്ഷിതമായ ഇൻപേഷ്യന്റ് സൈക്യാട്രിക് സൗകര്യമുള്ള ആശുപത്രിയുടെ ലോബിയിലെ മെറ്റൽ ഡിറ്റക്ടറുകൾ മറികടന്ന് മഡോർ എത്തിയിരുന്നില്ലെന്ന് ഫോർമെല്ല പറഞ്ഞു.
അടുത്തിടെ സീകോസ്റ്റ് ഏരിയയിലെ ഒരു ഹോട്ടലിൽ താമസിക്കുകയും കോൺകോർഡ് ഏരിയയിൽ സമയം ചെലവഴിക്കുകയും ചെയ്ത മഡോറിനു ആശുപത്രിയുമായോ ഹാസുമായോ എന്തെങ്കിലും ബന്ധമുണ്ടോ എന്ന് അന്വേഷണ ഉദ്യോഗസ്ഥർ ഇപ്പോഴും അന്വേഷിക്കുന്നുണ്ടെന്ന് ഫോർമെല്ല പറഞ്ഞു.
പോസ്റ്റ്‌മോർട്ടം പൂർത്തിയായ ശേഷം ഫലം പുറത്തുവിടുമെന്നും അന്വേഷണ ഉദ്യോഗസ്ഥർ പറഞ്ഞു.
മുമ്പ് ഫ്രാങ്ക്ലിൻ പോലീസ് ഡിപ്പാർട്ട്‌മെന്റ് മേധാവിയായി സേവനമനുഷ്ഠിച്ച 28 വർഷത്തെ നിയമപാലകനായ ഹാസ് പിതാവാണെന്നും അധികൃതർ പറഞ്ഞു.
കോൺകോർഡ് ഹോസ്പിറ്റലിലേക്ക് കൊണ്ടുപോകുന്നതിന് മുമ്പ് സംഭവസ്ഥലത്ത് വെച്ച് ഹാസിന് സിപിആർ നൽകിയെന്നും അവിടെ വച്ച് അദ്ദേഹം മരിച്ചിരുന്നുവെന്നും പോലീസ് പറഞ്ഞു.
