ഷാർജ: ഷാർജയിലെ അതിപുരാതനമായ കൽബ ഹെറിറ്റേജ് മാർക്കറ്റ് പുനരുദ്ധാരണ ജോലികൾ പൂർത്തിയാക്കി വീണ്ടും തുറന്നു. ശനിയാഴ്ച രാവിലെ നടന്ന ചടങ്ങിൽ യു.എ.ഇ സുപ്രിം കൗൺസിൽ അംഗവും ഷാർജ ഭരണാധികാരിയുമായ ഡോ. ശൈഖ് സുൽത്താൻ ബിൻ മുഹമ്മദ് അൽ ഖാസിമി മാർക്കറ്റിന്‍റെ ഉദ്ഘാടനം നിർവഹിച്ചു..
ഖോർഫുക്കാനിലെ ഭരണാധികാരിയുടെ ഓഫിസ് ഡെപ്യൂട്ടി തലവൻമാരായ ശൈഖ് സഈദ് ബിൻ സഖർ അൽ ഖാസിമി, ശൈഖ് ഹൈതം ബിൻ സഖർ അൽ ഖാസിമി എന്നിവരുടെ നേതൃത്വത്തിലാണ് ഉദ്ഘാടന പരിപാടികൾക്കായി സുൽത്താനെ സ്വീകരിച്ചത്. ഷാർജയിലെ പേരുകേട്ട കൽബ മാർക്കറ്റിൽ രണ്ടു നിരകളിലായി 140 ഷോപ്പുകളാണ് പ്രവർത്തിക്കുന്നത്.
