പി.പി. ചെറിയാൻ
ഡാലസ് : ബുധനാഴ്ച ഉച്ചയ്ക്ക് ഓൾഡ് ഈസ്റ്റ് ഡാലസിൽ നടന്ന വെടിവയ്പ്പിൽ ആറു വയസ്സുകാരി മരിച്ചു. ഉച്ചയ്ക്ക് 2.40 ഓടെ വെടിവയ്പ്പിനെ തുടർന്ന് ഉദ്യോഗസ്ഥരെ വിളിച്ചതായി ഡാലസ് പൊലീസ് പറഞ്ഞു. നോർത്ത് ഫിറ്റ്‌സുഗ് അവന്യൂവിലെ 2100 ബ്ലോക്കിലെ വീടിനുള്ളിൽ വെടിയേറ്റ ഒരു കുട്ടിയെ കണ്ടെത്തി.
പെൺകുട്ടിയെ കൂടാതെ മറ്റ് നിരവധി കുട്ടികളും സുരക്ഷിതമല്ലാത്ത തോക്കും വീടിനുള്ളിൽ ഉണ്ടായിരുന്നുവെന്ന് പൊലീസ് പറഞ്ഞു. കുട്ടിക്ക് എങ്ങനെ വെടിയേറ്റുവെന്ന് ഇപ്പോഴും അറിവായിട്ടില്ലെന്ന് പൊലീസ് പറഞ്ഞു. വെടിവയ്പ്പിനെ കുറിച്ചുള്ള മറ്റ് വിവരങ്ങളൊന്നും ഡാലസ് പൊലീസ് പുറത്തുവിട്ടിട്ടില്ല
