മിഷിഗൻ: 2.8 മില്യൻ യുഎസ് ഡോളറിന്‍റെ ആരോഗ്യ പരിരക്ഷാ തട്ടിപ്പിന് 43 വയസ്സുകാരനായ ഒരു ഇന്ത്യൻ പൗരനെ യുഎസിൽ ഒമ്പത് വർഷത്തെ തടവിന് ശിക്ഷിച്ചതായി യുഎസ് നീതിന്യായ വകുപ്പ് അറിയിച്ചു. രണ്ട് മാസത്തിനിടെ സ്വകാര്യ ഹെൽത്ത് കെയർ കമ്പനിയുടെ ഉടമയും മിഷിഗൻ നിവാസിയുമായ ഇന്ത്യൻ പൗരനായ യോഗേഷ് കെ പഞ്ചോളിയും കൂട്ടാളികളും വഞ്ചനാപരമായ ക്ലെയിമുകൾ സമർപ്പിച്ചു. ഒരിക്കലും നൽകാത്ത സേവനങ്ങൾക്കായി മെഡികെയറിൽ നിന്ന് ഏകദേശം 2.8 മില്യൻ യുഎസ് ഡോളർ പേയ്‌മെന്‍റുകൾ നേടിയെന്ന് ഫെഡറൽ പ്രോസിക്യൂട്ടർമാർ ആരോപിച്ചു.
ഷെൽ കോർപ്പറേഷനുകളുമായി ബന്ധപ്പെട്ട ബാങ്ക് അക്കൗണ്ടുകൾ വഴി അനധികൃതമായി സമ്പാദിച്ച ഫണ്ടുകൾ പഞ്ചോളി, ഇന്ത്യയിലെ അക്കൗണ്ടുകളിലേക്ക് മാറ്റി. കേസ് റജിസ്റ്റർ ചെയ്യുന്നതിന് മുന്‍പ് തൊട്ടുമുമ്പ്, പഞ്ചോളി വ്യാജ പേരിൽ തെറ്റായതും അപകീർത്തികരവുമായ ഇ ഇമെയിലുകൾ വിവിധ ഫെഡറൽ ഗവൺമെന്‍റ് ഏജൻസികൾക്ക് അയച്ചു. കുറ്റകൃത്യങ്ങൾ ചെയ്തത് സർക്കാർ സാക്ഷിയാണ് സന്ദേശമാണ് അയച്ചത്. ഇതിലൂടെ സാക്ഷിയുടെ മൊഴിയെടുക്കുന്നതിൽ നിന്ന് തടസ്സപ്പെടുത്തുകയായിരുന്നു ഉദ്ദേശ്യമെന്ന് നീതിന്യായ വകുപ്പിലെ ഉദ്യോഗസ്ഥർ പറയുന്നു. കഴിഞ്ഞ വിവിധ തട്ടിപ്പുകളുടെ ഗൂഢാലോചന നടത്തിയതിന് ജൂറി പഞ്ചോളിയെ ശിക്ഷിച്ചിരുന്നു
2.8 മില്യൻ യുഎസ് ഡോളറിന്‍റെ ആരോഗ്യ പരിരക്ഷാ തട്ടിപ്പ്; ഇന്ത്യൻ പൗരന് യുഎസിൽ 9 വർഷത്തെ തടവ്
- Advertisment -
