28 വർഷങ്ങൾക്കു ശേഷം 71-ാമത് ലോകസുന്ദരി മത്സരത്തിന് വേദിയാകാനൊരുങ്ങി ഇന്ത്യ . ഇന്ന് മുംബൈയിലാണ് ഫൈനൽ മത്സരം നടക്കുക . പ്രശസ്ത സംവിധായകനായ കരൺ ജോഹറാണ് മത്സരത്തിന്റെ അവതാരകൻ. പ്രിലിമിനറികളും മറ്റ് ചെറിയ മത്സരങ്ങളും ഫെബ്രുവരി 18 ന് സംഘടിപ്പിച്ചിരുന്നു . ഇന്നത്തെ മത്സരം മുംബൈയിലുള്ള ജിയോ വേൾഡ് കൺവെൻഷൻ സെൻ്ററിൽ നടക്കും.
1996ൽ ഇന്ത്യക്ക് ഇത്തരമൊരു അവസരം ലഭിച്ചിരുന്നു. പോളണ്ടിൽ നിന്നുള്ള കരോലിന ബിലാവ്‌സ്കയാണ് ഈ വർഷത്തെ വിജയിയെ കിരീടമണിയിക്കുക . മത്സരം വൈകുന്നേരം 7:30 ന് ആരംഭിക്കും.
120 രാജ്യങ്ങളിൽ നിന്നുള്ള മത്സരാർത്ഥികളാണ് ലോക സുന്ദരി പട്ടത്തിനായി മാറ്റുരച്ചത്. കർണാടകയിൽ നിന്നുള്ള സിനി ഷെട്ടിയാണ് ഇന്ത്യയെ പ്രതിനിധീകരിച്ച് മത്സരിക്കുന്നത്. 2017-ൽ മാനുഷി ഛില്ലറിനുശേഷം വീണ്ടും സിനി ഷെട്ടിയിലൂടെ ലോകസുന്ദരിപ്പട്ടം തിരികെയെത്തുമോ എന്ന് ഉറ്റുനോക്കുകയാണ് രാജ്യം .
