പാലക്കാട്: ഗജരാജന്‍ മംഗലാംകുന്ന് അയ്യപ്പന്‍ ചരിഞ്ഞു. ഏതാനും മാസങ്ങളായി ചികിത്സയിലായിരുന്നു. തൃശ്ശൂര്‍ പൂരം ഉള്‍പ്പെടെ കേരളത്തിലെ പ്രമുഖ ഉത്സവങ്ങളിലെല്ലാം തിടമ്പേറ്റിയിട്ടുള്ള ആനയാണ് മംഗലാംകുന്ന് അയ്യപ്പന്‍. ഒട്ടേറെ ആരാധകരുള്ള ആനയായിരുന്നു അയ്യപ്പന്‍.
നിരവധി സിനിമകളിലും അയ്യപ്പന്‍ ഭാഗമായിട്ടുണ്ട്. രജനീകാന്തിനൊപ്പം മുത്തുവിലും ശരത് കുമാറിനൊപ്പം നാട്ടാമൈയിലും അയ്യപ്പനുണ്ടായിരുന്നു. നിരവധി മലയാള സിനിമകളിലും അയ്യപ്പനുണ്ടായിരുന്നു.
