ആലപ്പുഴ: ആശുപത്രി ശുചിമുറിയിൽ പത്തുവയസുകാരിക്ക് നേരെ ലൈംഗികാതിക്രമം നടത്തിയ യുവാവ് പിടിയിൽ. വണ്ടാനം മെഡിക്കൽ കോളേജ് ആശുപത്രിയിലാണ് സംഭവം. ശുചിമുറിയിൽ കുളിക്കാൻ കയറിയ പെൺകുട്ടിക്ക് നേരെയാണ് പീഡനശ്രമം ഉണ്ടായത്. പുന്നപ്ര കപ്പക്കട സ്വദേശി അരുണാണ് (24) പിടിയിലായത്.
കുട്ടിയുടെ അമ്മ ഈ ആശുപത്രിയിൽ ചികിത്സയിലാണ്. അമ്മയ്‌ക്ക് കൂട്ടിരിക്കാൻ വന്ന പെൺകുട്ടി ശുചിമുറിയിൽ കുളിക്കാനെത്തിയപ്പോൾ യുവാവ് കടന്ന് പിടിക്കുകയായിരുന്നു എന്നാണ് വിവരം. കുട്ടി ബഹളം വച്ചതിനെ തുടർന്ന് സ്ഥലത്തുണ്ടായിരുന്നവരെത്തി രക്ഷിക്കുകയായിരുന്നു. രക്ഷപ്പെടാൻ ശ്രമിച്ച പ്രതിയെ ആളുകൾ തടഞ്ഞുവച്ച് പൊലീസിന് കൈമാറുകയായിരുന്നു
