ചെന്നൈ: പരസ്യ ചിത്രത്തിൽ അഭിനയിക്കാനെത്തിയ എറണാകുളം സ്വദേശിനിയായ യുവതിയെ ഹോട്ടലിൽ ബലാത്സംഗം ചെയ്യാൻ ശ്രമം. ചെന്നൈ സ്വദേശി അറസ്റ്റിൽ. പരസ്യ ഏജന്റ് സിദ്ധാർഥാണ് പിടിയിലായത്. പരസ്യ ഷൂട്ടിങ്ങിനിടെയാണ് ഇയാളുമായി യുവതി പരിചയപ്പെട്ടത്. പിന്നീട് സിദ്ധാർഥ് ഫോണിൽ സംസാരിക്കുക പതിവായിരുന്നു.
ഇംഗ്ലണ്ടിൽ ചിത്രീകരിക്കുന്ന പരസ്യത്തിൽ അവസരമുണ്ടെന്ന് പറഞ്ഞ് ക്ഷണിച്ചതിനെ തുടർന്ന് യുവതി സിദ്ധാർഥ് താമസിച്ചിരുന്ന ചെന്നൈയിലെ ഹോട്ടലിൽ എത്തുകയായിരുന്നു. സംസാരിക്കുന്നതിനിടെ ബലാത്സംഗ ശ്രമം ഉണ്ടായതോടെ യുവതി ഇറങ്ങിയോടി. തുടർന്ന് ഹോട്ടലധികൃതരാണ് പൊലീസിനെ വിവരം അറിയിച്ചത്.
