പി പി ചെറിയാൻ
ലൊസാഞ്ചലസ് : മേയ് 28 മുതൽ കാണാതായ ഹൈദരാബാദിൽ നിന്നുള്ള 23 കാരിയായ ഇന്ത്യൻ വിദ്യാർഥിനിയെ കണ്ടെത്താൻ പൊലീസ് പൊതുജനങ്ങളുടെ സഹായം തേടി.
കലിഫോർണിയ സ്റ്റേറ്റ് യൂണിവേഴ്സിറ്റിയിലെ സാൻ ബെർണാർഡിനോയിലെ വിദ്യാർഥിനിയായ നിതീഷ കണ്ടൂലയെ മേയ് 28 ന് ലൊസാഞ്ചലസിലാണ് അവസാനമായി കണ്ടത്. 5 അടി 6 ഇഞ്ച് ഉയരം, ഏകദേശം 160 പൗണ്ട് ഭാരം, കറുത്ത മുടിയും കറുത്ത കണ്ണുകളുമുള്ള നിതീഷ 2021 മോഡൽ ടൊയോട്ട കൊറോളയാണ് ഓടിച്ചിരുന്നത്. ഇവരെക്കു റിച്ച് ഏതെങ്കിലും ഏജൻസിക്കോ വ്യക്തിക്കോ വിവരം ലഭിച്ചെങ്കിൽ LAPD സൗത്ത് വെസ്റ്റ് ഡിവിഷനെ 213-485-2582 എന്ന നമ്പറിലോ CSUSB പൊലീസ് ഡിപ്പാർട്ട്‌മെൻ്റിനെ 909-537-7777 എന്ന നമ്പറിലോ ബന്ധപ്പെടാം.
