വാഷിങ്ടൺ: പ്രസിഡന്റായിരുന്ന സമയത്ത് തന്റെ മാനസികനിലയും ബുദ്ധിശക്തിയും പരിശോധിച്ചതിൽ അഭിമാനിക്കുന്നെന്ന് യു.എസ്. മുൻ പ്രസിഡന്റ് ഡൊണാൾഡ് ട്രംപ്. ശനിയാഴ്ച ഡിട്രോയിറ്റിലെ തിരഞ്ഞെടുപ്പ് റാലിക്കിടെ നടത്തിയ പ്രസംഗത്തിൽ ഇപ്പോഴത്തെ പ്രസിഡന്റ് ജോ ബൈഡന്റെ മാനസികനിലയെ കടന്നാക്രമിക്കവേയാണ് ട്രംപിന്റെ വീമ്പുപറച്ചിൽ. 81-കാരനായ ബൈഡൻ ഇതേ പരിശോധനയ്ക്ക് വിധേയനാകണമെന്നും ട്രംപ് പറഞ്ഞു.
എന്നാൽ, തന്നെ അന്ന് പരിശോധിച്ച ഡോക്ടറുടെ പേര് ശരിയായി പറയാൻ ട്രംപിനായില്ല. 2018-ൽ വൈറ്റ് ഹൗസ് ഡോക്ടറായ റോണി ജാക്സണാണ് ട്രംപിനെ പരിശോധിച്ചത്. പ്രസംഗത്തിലുടനീളം റോണി ജോൺസൺ എന്നാണ് ട്രംപ് പറഞ്ഞത്.
