പി പി ചെറിയാൻ
വാഷിങ്ടൻ ഡിസി : ഇന്ത്യയുടെ പുതുതായി നിയമിതനായ അംബാസഡർ വിനയ് മോഹൻ ക്വാത്ര ഓഗസ്റ്റ് 12-ന് വാഷിങ്ടൻ ഡിസിയിലെത്തി. അമേരിക്കയിലെ പുതിയ ഇന്ത്യൻ അംബാസഡറായ വിനയ് മോഹൻ ക്വാത്രയെ സ്വാഗതം ചെയ്യുന്നതിൽ സന്തോഷമുണ്ട്. ഇന്ത്യൻ എംബസിയിലെ ഞങ്ങളെല്ലാവരും അദ്ദേഹത്തിൻ്റെ നേതൃത്വത്തിൽ പ്രവർത്തിക്കാൻ ആവേശഭരിതരാണ് ചാർജ് ഡി അഫയേഴ്സ് ശ്രീപ്രിയ രംഗനാഥൻ പറഞ്ഞു. മുമ്പ് യുഎസിലെ ഇന്ത്യൻ എംബസിയിൽ വാണിജ്യ മന്ത്രിയായി സേവനമനുഷ്ഠിച്ച ക്വാത്ര ഫ്രാൻസിലെയും നേപ്പാളിലെയും ഇന്ത്യൻ അംബാസഡറായും പ്രവർത്തിച്ചിട്ടുണ്ട്.
