പി പി ചെറിയാൻ
ഡാലസ് : ഡാലസ് കേരളാ അസോസിയേഷൻ കേരള പിറവി ദിനാഘോഷം സംഘടിപ്പിച്ചു. ‘കേരളീയം’ എന്നപേരിൽ ഗാർലൻഡിലെ സെന്‍റ് തോമസ് സിറോ മലബാർ ചർച്ച് ജൂബിലി ഹാളിൽ സംഘടിപ്പിച്ച കേരളീയം ചടങ്ങിൽ പ്രസിഡന്‍റ് പ്രദീപ് നാഗനൂലിൽ അധ്യക്ഷത വഹിച്ചു. അമേരിക്കൻ ദേശീയ ഗാനവും ഇന്ത്യൻ ദേശീയ ഗാനവും ആലപിച്ചാണ് പരിപാടികൾക്ക് തുടക്കം കുറിച്ചത്.
ഡാലസ് കേരളാ അസോസിയേഷൻ കേരള പിറവി ദിനാഘോഷം
പ്രസിഡന്‍റ് പ്രദീപ് നാഗനൂലിൽ ആമുഖ പ്രസംഗം നടത്തുകയും എല്ലാവരെയും സ്വാഗതം ചെയുകയും ചെയ്തു. തുടർന്ന് ഭരതനാട്യം, മോഹിനിയാട്ടം, തിരുവാതിര, മാർഗംകളി, ഒപ്പന, കേരളനടനം, കോൽക്കളി തെയ്യം തുടങ്ങിയ കലാപരിപാടികൾ അവതരിപ്പിച്ചു.
ഇൻസ്ട്രുമെന്‍റൽ ലൈവ് മ്യൂസിക് (നൊസ്റ്റാൾജിക് മലയാളം മൂവി പശ്ചാത്തല മെഡ്‌ലി, ചെറിയ ബാൻഡ്, നിഹാര, നൂപുര, മെക്നാക്ഷി, കാർ സിദ്ധാർത്ഥ് , അഭിജിത്ത്), ലളിത ഗാനം – മീനാക്ഷി, തിരുവാതിര – നാട്യം ടീം, മാർഗം കാളി – ക്രൈസ്റ്റ് ദി കിങ് മാർഗം കാളി ടീം ഓഫ് ഡാലസ്, ഭരതനാട്യം- തപസ്യ സ്കൂൾ ഓഫ് പെർഫോമിങ് ആർട്സ്, (നൃത്തസംവിധാനം ദിയുയ സനൽ), കോൽ കളി – ക്രൈസ്റ്റ് ദി കിംഗ് കോൾ കലി ടീം ഓഫ് ഡാളസ്, ഒപ്പന-ഡാലസ് മൊഞ്ചത്തിമാർ, നാടോടിനൃത്തം – ഇന്ദുവിന്‍റെ ടീം, കുച്ചുപ്പുടി – ശ്രീജയുടെ ടീം, തല ലയം – ബാലു & ടീം, നാടോടിനൃത്തം (കൊറിയോഗ്രാഫ് ചെയ്തത് ആൽഫി മാളികലും ഏകോപിപ്പിച്ചതുമാണ്) ഷൈനി ഫിലിപ്പ്, മോഹിനി ആട്ടം – തപസ്യ സ്കൂൾ ഓഫ് പെർഫോമിങ് ആർട്സ്, മോണോ ആക്ട് – സുബി ഫിലിപ്പ്, സെമി ക്ലാസിക്കൽ ഡാൻസ് – നർത്തന ഡാൻസ് ഡാലസ്(ഹന്ന), നാടൻ പാട്ട് – ഡാലസ് മച്ചന്മാർ, മാപ്പിളപ്പാട്ട്, സെമി ക്ലാസിക്കൽ ഡാൻസ് – സംസ്‌കൃതി അക്കാദമി ഓഫ് പെർഫോമിങ് ആർട്സ് എന്നിവർ അവതരിപ്പിച്ച ഓരോ പരിപാടികളും ഒന്നിനോടൊന്നു മികച്ചതായിരുന്നു.
പ്രോഗ്രാം കോർഡിനേറ്ററും ആർട് ഡയക്ടറുമായ സുബി ഫിലിപ്പ് സെക്രട്ടറി മൻജിത് കൈനിക്കര എന്നിവർ മാസ്റ്റർ ഓഫ് സെറിമണിയായിരുന്നു. അനിയൻ ഡാലസ് ശബ്‍ദവും വെളിച്ചവും നിയന്ത്രിച്ചു. ഇന്ത്യൻ കൾച്ചറൽ ആൻഡ് എജ്യൂക്കേഷൻ സെന്‍റർ ഷിജു എബ്രഹാം, ദീപക് മടത്തിൽ, വിനോദ് ജോർജ്, സാബു മാത്യു, ജെയ്‌സി രാജു, സാബു മുക്കാലടിയിൽ, അഗസ്റ്റിൻ, ബേബി കൊടുവത്ത്, അനശ്വർ മാംമ്പിള്ളി, സബ് മാത്യു, ഫ്രാൻസിസ് തോട്ടത്തിൽ, ദീപു രവീന്ദ്രൻ, നിഷ മാത്യു, രാജൻ ചിറ്റാർ, ഹരിദാസ് തങ്കപ്പൻ, ഫ്രാൻസിസ് ആംബ്രോസ് ഡിംപിൾ ജോസഫ്, സിജു വി ജോർജ് എന്നിവരാണ് ചടങ്ങിന് നേതൃത്വം നൽകിയത്.
