കൊല്ലം: മുൻ എംഎൽഎയും പത്തനംതിട്ടയിൽ നിന്നുളള മുതിർന്ന സിപിഎം നേതാവുമായ എ. പത്മകുമാറിന്റെ വിവാദ പേസ്ബുക്ക് പോസ്റ്റ്. സിപിഎം സംസ്ഥാന സമ്മേളനത്തിൽ പുതിയ ഭാരവാഹികളെ പ്രഖ്യാപിച്ചതിനു പിന്നാലെയാണ് തിരുവിതാംകൂർ ദേവസ്വംബോർഡ് മുൻ പ്രസിഡന്റുകൂടിയായ പത്മകുമാർ വിവാദ ഫേസ്ബുക്ക് പോസ്റ്റ് ഇട്ടത്.
52 വർഷത്തെ ബാക്കി പത്രം… ലാൽ സലാം, എന്ന കുറിപ്പ് സ്വന്തം ചിത്രവുമായി ചേർത്താണ് പോസ്റ്റ്. പത്തനംതിട്ടയിൽ നിന്നുമുള്ള മുതിർന്ന നേതാവായ തനിക്ക് വേണ്ട പരിഗണന ലഭിക്കാത്തതാണ് ഇത്തരത്തിലൊരു ഫേസ് ബുക്ക് പോസ്റ്റിനു കാരണമെന്ന സൂചനയുണ്ട്. ആരോഗ്യമന്ത്രി വീണാ ജോർജിനെ സംസ്ഥാന സമിതിയിൽ പ്രത്യേക ക്ഷണിതാവായി ഉൾപ്പെടുത്തിയതിലും പത്മകുമാറിന് ശക്തമായ പ്രതിഷേധമുണ്ട്. സംസ്ഥാന സമ്മേളനപൊതുസമ്മേളനത്തിൽ പങ്കെടുക്കാതെ പത്മകുമാർ പത്തനംതിട്ടയിലേക്ക് മടങ്ങി
