ഇറാനിൽ വീണ്ടും ഇസ്രയേൽ ആക്രമണം. ഇറാനിലെ ടെഹ്റാനിൽ വൻ സ്ഫോടനമെന്ന് റിപ്പോർട്ട്. പടിഞ്ഞാറൻ ടെഹ്റാനിലെ സൈനിക താവളം ഇസ്രയേൽ ആക്രമിച്ചു. ടെഹ്റാനിൽ നിന്നും ജനങ്ങൾ ഒഴിഞ്ഞു പോകണെമെന്ന് ഇസ്രയേൽ ഡിഫൻസ് ഫോഴ്സ് അറിയിച്ചു.
നഗരത്തിലെ ജനങ്ങളോട് എത്രയുംവേഗം ഒഴിഞ്ഞുപോകാന് ആവശ്യപ്പെട്ട് ഇസ്രയേല് പ്രധാനമന്ത്രി ബെഞ്ചമിന് നെതന്യാഹു ആവശ്യപ്പെട്ടു. ടെഹ്റാന്റെ വ്യോമപരിധി പൂര്ണമായും വ്യോമപരിധി പൂര്ണമായും നിയന്ത്രണത്തിലാക്കിയെന്ന് ഇസ്രയേല് പ്രതിരോധന സേന തിങ്കളാഴ്ച പകല് അവകാശപ്പെട്ടിരുന്നു.
‘ടെഹ്റാന് മുകളിലുള്ള ആകാശം ഇപ്പോള് പൂര്ണമായും ഇസ്രയേല് വ്യോമസേനയുടെ നിയന്ത്രണത്തിലാണ്. നഗരത്തിലെ പ്രധാനപ്പെട്ട ഭരണകേന്ദ്രങ്ങളെല്ലാം ഞങ്ങള് ഉടന് ആക്രമിക്കും. ഇറാനെ പോലെ സാധാരണ ജനങ്ങളെ കൊന്നൊടുക്കാന് ഞങ്ങള് ഇഷ്ടപ്പെടുന്നില്ല.
അതുകൊണ്ടുതന്നെ, ടെഹ്റാനിലെ ജനങ്ങളോട് ഞങ്ങള് ആവശ്യപ്പെടുകയാണ്, അവിടെനിന്നും ഒഴിഞ്ഞുപോകൂ, പിന്നാലെ ഞങ്ങള് ആക്രമിക്കും.’ നെതന്യാഹു തിങ്കളാഴ്ച വൈകീട്ടോടെ ടെല് നോഫിലെ വ്യോമതാവളത്തില്വെച്ച് അറിയിച്ചു.
