പി വി അൻവറിനെ യുഡിഎഫിലെടുക്കണമെന്ന് വീണ്ടും ആവശ്യപ്പെട്ട് മുൻ കെപിസിസി അദ്ധ്യക്ഷൻ കെ സുധാകരൻ

എംപിതിരുവനന്തപുരം: പി വി അൻവറിനെ യുഡിഎഫിലെടുക്കണമെന്ന് വീണ്ടും ആവശ്യപ്പെട്ട് മുൻ കെപിസിസി അദ്ധ്യക്ഷൻ കെ സുധാകരൻ എംപി. കെപിസിസി രാഷ്ട്രീയകാര്യസമിതി യോഗത്തിലാണ് സുധാകരൻ ഈ ആവശ്യം വീണ്ടും ഉന്നയിച്ചത്. ഓൺലൈനായാണ് സുധാകരൻ യോഗത്തിൽ പങ്കെടുത്തത്. നിലമ്പൂർ ഉപതെരഞ്ഞെടുപ്പിൽ അൻവർ ശക്തി തെളിയിച്ച സാഹചര്യത്തിൽ അൻവറിനെ മുന്നണിയിലെടുക്കണമെന്ന നിലപാടാണ് സുധാകരൻ സ്വീകരിച്ചത്.അൻവറിനെ കൂടാതെ യുഡിഎഫ് നിലമ്പൂരിൽ വിജയിച്ചതോടെ അദ്ദേഹത്തെ മുന്നണിയിലെടുക്കേണ്ടെന്ന നിലപാട് പ്രതിപക്ഷ നേതാവ് വി ഡി സതീശൻ ശക്തമാക്കിയിരുന്നു. ഉപതെരഞ്ഞെടുപ്പ് വിജയത്തിന് പിന്നാലെ നടത്തിയ പ്രതികരണത്തിൽ അൻവർ തെരഞ്ഞെടുപ്പിൽ ഫാക്ടറായെന്നാണ് കെപിസിസി അദ്ധ്യക്ഷൻ സണ്ണി ജോസഫ് എംഎൽഎ പറഞ്ഞത്. എന്നാൽ വി ഡി സതീശൻ നിലപാട് ശക്തമാക്കിയതോടെ സണ്ണി ജോസഫ് ഈ നിലപാടിൽ മാറ്റം വരുത്തിയിരുന്നു.വിദ്യാർത്ഥികളെ ആഭാസത്തിന് നിർബന്ധിക്കരുത്: സൂംബാ ഡാൻസിനെതിരെ നാസർ ഫൈസി കൂടത്തായിഉപതെരഞ്ഞെടുപ്പ് വിജയത്തിന് ശേഷം അൻവറിനെ ഒപ്പം നിർത്തണമെന്ന നിലപാടാണ് പരോക്ഷമായി മുസ്‌ലിം ലീഗ് എടുക്കുന്നത്. അതിന് പിന്നാലെയാണ് സുധാകരനും ആവശ്യം ശക്തമാക്കിയത്.അതേ സമയം കെപിസിസി പുനഃസംഘടന വേഗത്തിൽ പൂർത്തിയാക്കാൻ രാഷ്ട്രീയകാര്യസമിതിയിൽ തീരുമാനമായി. ഇതിനായി മുതിർന്ന നേതാക്കളെ രാഷ്ട്രീയകാര്യസമിതി ചുമതലപ്പെടുത്തി. ഡിസിസികൾ പുനഃസംഘടിപ്പിക്കാനും യോഗം തീരുമാനിച്ചിട്ടുണ്ട്.