കെപിസിസി പ്രസിഡന്റ് സ്ഥാനം ഏറ്റെടുത്ത ശേഷം ആദ്യമായി ശശി തരൂരുമായി കൂടിക്കാഴ്ച്ച നടത്തി സണ്ണി ജോസഫ്

ന്യൂഡൽഹി: കെപിസിസി പ്രസിഡന്റ് സ്ഥാനം ഏറ്റെടുത്ത ശേഷം ആദ്യമായി ശശി തരൂരുമായി കൂടിക്കാഴ്ച്ച നടത്തി സണ്ണി ജോസഫ്. ഇന്നലെ വൈകീട്ടായിരുന്നു ഇരുവരും തമ്മിൽ ചർച്ച നടത്തിയത്. ശശി തരൂരുമായി നടത്തിയ കൂടിക്കാഴ്ച്ച പോസിറ്റീവായിരുന്നു എന്നാണ് സണ്ണി ജോസഫ് വ്യക്തമാക്കിയത്. പുനഃസംഘടനയ്ക്ക് ശശി തരൂർ എല്ലാ പിന്തുണയും, സഹകരണവും വാഗ്ധാനം ചെയ്തിട്ടുണ്ടെന്നും സണ്ണി ജോസഫ് കൂട്ടിച്ചേർത്തു.കെപിസിസിയിൽ ജംബോ കമ്മിറ്റിക്ക് സാധ്യത; ഭാരവാഹികളുടെ എണ്ണം നൂറ് കടന്നേക്കുംഎം കെ രാഘവൻ, കോടിക്കുന്നിൽ സുരേഷ് എന്നീ നേതാക്കളുമായും സണ്ണി ജോസഫ് കൂടിക്കാഴ്ച്ച നടത്തിയിരുന്നു. കൂടാതെ പ്രതിപക്ഷ നേതാവ് വി ഡി സതീശനും, ആന്റോ ആന്റണിയും തമ്മിലും ചർച്ചകൾ നടന്നിരുന്നു. രമേശ് ചെന്നിത്തല, കൊടിക്കുന്നേൽ സുരേഷ് കൂടിക്കാഴ്ച്ചയും നടന്നിരുന്നു. കെപിസിസിയിൽ ജംബോ കമ്മിറ്റി സാധ്യതയുമുണ്ടെന്നാണ് സൂചനകൾ വ്യക്തമാക്കുന്നത്.പുനഃസംഘടനയുമായി ബന്ധപ്പെട്ട് നേതാക്കൾ ഇന്ന് കോൺഗ്രസ് അധ്യക്ഷൻ മല്ലികാർജുൻ ഖാർഗെയുമായും, രാഹുൽ ഗാന്ധിയുമായും കൂടിക്കാഴ്ച്ച നടത്തും. സണ്ണി ജോസഫും ദീപ ദാസ് മുൻഷിയുമാണ് കൂടിക്കാഴ്ച്ച നടത്തുക. പുനഃസംഘടന പട്ടിക പ്രഖ്യാപിക്കുന്നതിന് മുന്നേ ദേശിയ നേതൃത്വവുമായി ചർച്ച നടത്തുക എന്ന ഉദ്ദേശത്തോടെയാണ് കൂടിക്കാഴ്ച്ച. ഒൻപത് ഡിസിസി അധ്യക്ഷന്മാർക്ക് മാറ്റമുണ്ടാകുമെന്നാണ് കരുതുന്നത്.