മസ്കത്ത്: ഒമാനിലെ ആരോഗ്യമേഖലയിലെ ഒമാനൈസേഷൻ വർധിച്ചതായി റിപ്പോർട്ട്, പൊതു, സ്വകാര്യ ആരോഗ്യ സ്ഥാപനങ്ങളിലെ ആരോഗ്യ പ്രവർത്തകരിൽ ഒമാനൈസേഷൻ നിരക്ക് 55 ശതമാനമാണ്, മൊത്തം നഴ്സുമാരിൽ 47 ശതമാനവും ഒമാനികളാണ്.
പൊതു, സ്വകാര്യ ആരോഗ്യ സ്ഥാപനങ്ങളിലെ ആരോഗ്യ പ്രവർത്തകരുടെ എണ്ണം 71,180 ആയി വർധിച്ചുവെന്നും അതിൽ 55 ശതമാനം പേർ ഒമാനികളാണെന്നും റിപ്പോർട്ട് സൂചിപ്പിക്കുന്നു. സ്വകാര്യ മേഖലയിൽ ജോലി ചെയ്യുന്ന ഒമാനി ഡോക്ടർമാരുടെ എണ്ണം 2020 ൽ 118 ഡോക്ടർമാരിൽ നിന്ന് 2024 ൽ 142 ശതമാനം വർധിച്ച് 285 ഡോക്ടർമാരിലെത്തിയതായി സിഎസ്ഐയുടെ ഡാറ്റ സൂചിപ്പിക്കുന്നു. പൊതു-സ്വകാര്യ മേഖലകളിലെ 47 ശതമാനവും ഒമാനി നഴ്സുമാരാണ്.
ആരോഗ്യ മന്ത്രാലയവുമായി അഫിലിയേറ്റ് ചെയ്തിട്ടുള്ള ആരോഗ്യ സ്ഥാപനങ്ങളിലെ ജനസംഖ്യയുടെ 10,000 ന് ഡോക്ടർമാരുടെ അനുപാതം ഇതേ കാലയളവിൽ 12.9 ൽ നിന്ന് 13.7 ആയി മെച്ചപ്പെട്ടതായി സൂചകങ്ങൾ സാക്ഷ്യപ്പെടുത്തുന്നു. 2020-2024 കാലയളവിൽ ഡോക്ടർമാർക്കിടയിലെ ഒമാനൈസേഷൻ നിരക്ക് 39 ശതമാനത്തിൽ നിന്ന് 44 ശതമാനമായി വർധിച്ചപ്പോൾ, ആരോഗ്യ മന്ത്രാലയവുമായി അഫിലിയേറ്റ് ചെയ്തിട്ടില്ലാത്ത സർക്കാർ സ്ഥാപനങ്ങളിലെ ഒമാനൈസേഷൻ നിരക്ക് 51 ശതമാനത്തിൽ നിന്ന് 48 ശതമാനമായി കുറഞ്ഞിട്ടുണ്ട്.
