ഒട്ടാവ: യുഎസ് തീരുവകൾക്കെതിരെ കാനഡ ടിവി പരസ്യം നൽകിയതിൽ യുഎസ് പ്രസിഡന്റ് ഡോണൾഡ് ട്രംപിനോട് ക്ഷമാപണം നടത്തിയതായി കനേഡിയൻ പ്രസിഡന്റ് മാർക്ക് കാർണി പറഞ്ഞു. യുഎസ് തീരുവകൾക്ക് എതിരായ പരസ്യം പ്രചരിപ്പികരുതെന്ന് മുന്നറിയിപ്പ് നൽകിയതായും കാര്ണി പറഞ്ഞു. ഏഷ്യ– പസിഫിക്ക് ഇക്കോണമിക്ക് കോർപ്പറേഷൻ ഉച്ചക്കോടിയിലെ വിരുന്നില് വച്ച് ഡോണൾഡ് ട്രംപിനോട് ക്ഷമാപണം അറിയിച്ചതായി അദ്ദേഹം വ്യക്തമാക്കി.
‘‘ഞാൻ അദ്ദേഹത്തോട് ക്ഷമ ചോദിച്ചു’’, മാർക്ക് കാർണി മാധ്യമങ്ങളോട് പറഞ്ഞു. യുഎസ് തയാറാകുമ്പോൾ വ്യപാര ചർച്ചകൾ പുനഃരാരംഭിക്കുമെന്നും കാർണി കൂട്ടിച്ചേർത്തു.
നേരത്തേ യുഎസ് തീരുവകൾക്കെതിരെ കാനഡ ടിവി പരസ്യം നൽകിയതിൽ പ്രതിഷേധിച്ച് കാനഡയുമായുള്ള വ്യാപാര ചർച്ച അവസാനിപ്പിക്കുന്നതായി യുഎസ് പ്രസിഡന്റ് ഡോണൾഡ് ട്രംപ് അറിയിച്ചിരുന്നു. യുഎസ് മുൻ പ്രസിഡന്റ് റൊണാൾഡ് റീഗൻ 1987 ൽ തീരുവകൾക്കെതിരെ നടത്തിയ ഒരു പ്രസംഗത്തിന്റെ ചില ഭാഗങ്ങൾ ഉപയോഗിച്ചാണ് ട്രംപ് ചുമത്തിയ അധികത്തീരുവയ്ക്കെതിരെ കാനഡ പരസ്യം നൽകിയത്.
