പി പി ചെറിയാൻ
ചിക്കാഗോ :2026-ൽ അമേരിക്കയിൽ തകരുന്ന ആദ്യ ബാങ്കായി ചിക്കാഗോ ആസ്ഥാനമായുള്ള മെട്രോപൊളിറ്റൻ ക്യാപിറ്റൽ ബാങ്ക് & ട്രസ്റ്റ് സാമ്പത്തിക അസ്ഥിരതയെത്തുടർന്ന് വെള്ളിയാഴ്ച അധികൃതർ ബാങ്ക് പൂട്ടാൻ ഉത്തരവിട്ടത്.
ബാങ്കിന്റെ മോശം സാമ്പത്തിക നിലയും സുരക്ഷിതമല്ലാത്ത പ്രവർത്തനങ്ങളുമാണ് നടപടിക്ക് കാരണമായത്.
ഡെട്രോയിറ്റ് ആസ്ഥാനമായുള്ള ഫസ്റ്റ് ഇൻഡിപെൻഡൻസ് ബാങ്ക് മെട്രോപൊളിറ്റൻ ബാങ്കിന്റെ എല്ലാ നിക്ഷേപങ്ങളും ആസ്തികളും ഏറ്റെടുത്തു.
നിക്ഷേപകർക്ക് തങ്ങളുടെ പണം സുരക്ഷിതമായി പിൻവലിക്കാമെന്നും ആർക്കും പണം നഷ്ടമാകില്ലെന്നും അധികൃതർ അറിയിച്ചു.
കഴിഞ്ഞ വർഷം ചിക്കാഗോയിലെ പുലാസ്കി സേവിങ്സ് ബാങ്കും തകർന്നിരുന്നു. 2000-ത്തിന് ശേഷം ചിക്കാഗോയിൽ തകരുന്ന 22-ാമത്തെ ബാങ്കാണിത്.
തിങ്കളാഴ്ച മുതൽ ബാങ്കിന്റെ ഓഫിസുകൾ ഫസ്റ്റ് ഇൻഡിപെൻഡൻസ് ബാങ്കിന്റെ ശാഖകളായി പ്രവർത്തിച്ചു തുടങ്ങും.
