ചിക്കാഗോ : ചിക്കാഗോ മലയാളി അസോസിയേഷന്റെ ഏറ്റവും ജനപങ്കാളിത്തമുള്ള പരിപാടികളിൽ ഒന്നായ കലാമേളയുടെ രെജിസ്ട്രേഷൻ അവസാനിക്കാൻ ഇനി രണ്ടു ദിവസം കൂടി മാത്രം .കലാമേളയുടെ രെജിസ്ട്രേഷൻ ഈ വെള്ളിയാഴ്ച (2026 മാർച്ച് 20) അവസാനിക്കും .ഇത്തവണ അസോസിയേഷന്റെ ചരിത്രത്തിലെ ഏറ്റവുമധികം മത്സരാർത്ഥികൾ പങ്കെടുക്കുന്ന ഒരു കലാമേളയായിരിക്കുമെന്നാണ് തങ്ങൾ പ്രതീക്ഷിക്കുന്നതെന്ന് ചിക്കാഗോ മലയാളീ അസോസിയേഷൻ പ്രസിഡണ്ട് ജോസ് മണക്കാട്ട് ,ജനറൽ സെക്രട്ടറി ബിജു മുണ്ടക്കൽ ,ട്രെഷറർ അച്ചൻകുഞ്ഞ് മാത്യു ,വൈസ് പ്രസിഡണ്ട് ലൂക്ക് ചിറയിൽ,ജോയിന്റ് സെക്രട്ടറി സാറ അനിൽ ,ജോയിന്റ് ട്രെഷറർ പ്രിൻസ് ഈപ്പൻ,കലാമേള ചെയർ പേഴ്സൺ ഷൈനി ഹരിദാസ്,കോ ചെയർസ് ജോജോ വെങ്ങാന്തറ , മാത്യൂസ് എബ്രഹാം എന്നിവർ അറിയിച്ചു .
ഇതിന്റെ വിപുലമായ ഒരുക്കങ്ങൾ എല്ലാം തന്നെ പൂർത്തിയായതായി ഭാരവാഹികൾ അറിയിച്ചു .ബെൽവുഡ് സിറോ മലബാർ ചർച്ചിന്റെ അഞ്ചോളം വേദികളിലായി ഒരേ സമയം നടക്കുന്ന ഈ കലാമേള ആസ്വദിക്കാൻ മത്സരാർത്ഥികളും കാഴ്ചക്കാരുമുൾപ്പെടെ ആയിരക്കണക്കിന് ആളുകളാണ് എത്തുക.
മലബാർ കാറ്ററേഴ്സ് ഒരുക്കുന്ന ലൈവ് കിച്ചൻ ഉൾപ്പെടെ നിരവധി ക്രമീകരണങ്ങൾ ആണ് ഇത്തവണയും ഒരുക്കിയിരിക്കുന്നത് .വിജയികൾക്കുള്ള ട്രോഫികൾ അപ്പപ്പോൾ തന്നെ വിതരണം ചെയ്യാനുള്ള ക്രമീകരണങ്ങൾ പൂർത്തിയായതായി ട്രോഫി കമ്മിറ്റി കൺവീനർ ബീന ജോർജ് അറിയിച്ചു .
ഇനിയും രജിസ്റ്റർ ചെയ്യാനുള്ളവർ വെള്ളിയാഴ്ചക്കകമായി പേരുകൾ രജിസ്റ്റർ ചെയ്യണമെന്ന് കൺവീനർ അഭ്യർത്ഥിച്ചു .മാർച്ച് 20 നു ശേഷം രജിസ്റ്റർ ചെയ്യാൻ അവസരം ഉണ്ടായിരിക്കുന്നതല്ല .
2026 മാർച്ച് 28 ന് നടക്കുന്ന ഈ കലാമാമാങ്കത്തിലേക്ക് എല്ലാ മലയാളി സുഹൃത്തുക്കളെയും കുടുംബസമേതം സ്വാഗതം ചെയ്യുന്നതായി ഭാരവാഹികൾ അറിയിച്ചു .
