കേരള അസോസിയേഷൻ ഓഫ് ഡാളസ്, സംഘടിപ്പിച്ച ആവേശകരമായ ഓൾ അമേരിക്ക വടംവലി മത്സരം സീസൺ 3 ആവേശജ്ജ്വലമായി

ഡാളസ് :കേരള അസോസിയേഷൻ ഓഫ് ഡാളസ് സംഘടിപ്പിച്ച വടംവലി സീസൺ 3 മത്സരത്തിൽ ‘ന്യൂയോർക്ക് കിങ്‌സ്’, ‘ഹൂസ് സ്റ്റൺ ബ്രദേർസ്’ ഓറഞ്ച്നെ തോല്പിച്ച് വിജയികളായി. കഴിഞ്ഞ രണ്ടു വർഷങ്ങളിലും ന്യൂയോർക്ക് കിങ്‌സ് തന്നെയായിരുന്നു ജേതാക്കൾ. റോസ് ഹിൽ സീറോ മലബാർ ചർച്ച് മൈതാനിയിൽ പ്രത്യേകം ക്രമീകരിച്ച പന്തലിൽ നടന്ന മത്സരത്തിൽ പത്ത്‌ ടീമുകളാണ് പങ്കെടുത്തത്‌. ‘ഹൂസ് സ്റ്റൺ ബ്രദേർസ് ബ്ലൂ’ മൂന്നാം സ്ഥാനം കരസ്ഥമാക്കി. ‘ചിക്കാഗോ അരീകര അച്ചായൻസ് ‘ നാലാം സ്ഥാനവും നേടി. വാശിയേറിയ മത്സരങ്ങൾ വീക്ഷിക്കാൻ കുടുംബസമേതം അബാല വൃദ്ധ ജനങ്ങൾ എത്തിയിരുന്നു. വിജയികൾക്ക് ഒന്നാം സമ്മാനം ട്രോഫിയും 5000 ഡോളർ ക്യാഷ് അവാർഡ്, രണ്ടാം സമ്മാനം ട്രോഫിയും 3000 ഡോളർ ക്യാഷ് അവാർഡ്,മൂന്നാം സമ്മാനം ട്രോഫിയും 2000 ഡോളർ ക്യാഷ് അവാർഡ്,നലാം സമ്മാനം ട്രോഫിയും 1000 ഡോളർ ക്യാഷ് അവാർഡ് എന്നിങ്ങനെയായിരുന്നു. ചാക്കോച്ചൻ, ജിനു കുടിലിൽ എന്നിവരാണ് മത്സരത്തെ നിയന്ത്രിച്ചിരുന്നത്.

ചടങ്ങിൽ മലയാള മനോരമ സ്പോർട്സ് ലേഖകൻ ശരത് മുഖ്യാതിഥിയായിരുന്നു. കേരള അസോസിയേഷൻ ഓഫ് ഡാളസ് പ്രസിഡന്റ്‌ ഷിജു എബ്രഹാം, ഐ.സി.ഇ.സി പ്രസിഡന്റ്‌ മാത്യു നൈനാനും കൂടി മത്സരം ഉദ്‌ഘാടനം ചെയ്തു. വിനോദ് ജോർജ് (സ്പോർട്സ് ഡയറക്ടർ ), മഞ്ജിത് കൈനിക്കര (സെക്രട്ടറി ) ദീപക് നായർ (മെമ്പർഷിപ് ഡയറക്ടർ ), ജിജി പി സ്കറിയ (ആർട്സ് ഡയറക്ടർ ) ഷിബു ജോൺ (ലൈബ്രറി ഡയറക്ടർ ) സിജു കൈനിക്കര (ട്രഷറര്‍ ), ടെസ്സി മാത്യു (സോഷ്യൽ സർവീസ് ഡയറക്ടർ ), പ്രദീപ് കൊടുവത് (ജോയിന്റ്. ട്രഷറര്‍ ), ഫ്രാൻസിസ് തോട്ടത്തിൽ (ഡയറക്ടർ ബോർഡ്‌ അംഗം ) തുടങ്ങിയവർ പരിപാടിയുടെ മുഖ്യ ചുമതലകൾ വഹിച്ചു കൊണ്ടു ക്രമീകരിച്ചു. തോമസ് വടക്കേമുറി, മാത്യു ഒഴുകയിൽ, അജു മാത്യു, സിബി തോമസ്, റെജി മുക്കാലടി,ബേബി ഒഴുകയിൽ, സാബു മുക്കാലടി തുടങ്ങി നിരവധി സന്നദ്ധപ്രവർത്തകർ പരിപാടിയുടെ ഓരോരോ ചുമതലകൾ നിർവഹിച്ചു. ഹരിദാസ് തങ്കപ്പൻ, സിബി തലകുളം, ബിനോജ് മേനോൻ എന്നിവരുടെ അനൗൺസ്‌മെന്റ് കായിക പ്രേമികളേ ആവേശത്തിലാഴ്ത്തി. ഈ മാറ്റുരയ്ക്കുന്ന ഈ പോരാട്ടത്തിനു മികവെകുവാൻ വനിതകളുടെ ചെണ്ട മേളവും, മല്ലൂസ് റൈഡേഴ്‌സിന്റെ നേതൃത്വത്തിൽ ബൈക്ക് റാലിയുമുണ്ടായിരുന്നു.

വിജയികൾക്കുള്ള സമ്മാനദാനം കേരള അസോസിയേഷൻ ഓഫ് ഡാളസ് പ്രസിഡന്റ്‌ ഷിജു എബ്രഹാം, ഐ.സി.ഇ.സി പ്രസിഡന്റ്‌ മാത്യു നൈനാനും കൂടി നിർവ്വഹിച്ചു. പി.പി ചെറിയാൻ (ഡി മലയാളി, ചീഫ് എഡിറ്റർ ), പി.സി മാത്യു (ഗാർലൻഡ് സിറ്റി അഡ്വേഴ്സറി ബോർഡ്‌ ), മാർഗ്രേട് ലോക്ട് (ഗാർലൻഡ് സിറ്റി കൗൺസിൽ മെംബേർ),ജിമ്മി ട്രാൻ

(ബോർഡ്‌ മെമ്പർ ഓഫ് ടാസ്‌ ഇൻക്രെമെന്റ് ഫിനാൻസ് ), ഷിബു സാമൂവൽ തുടങ്ങിയവരും;

കോശി പണിക്കർ, ചെറിയാൻ ചൂരനാട്, ജോസഫ് ചാണ്ടി, പി. റ്റി സെബാസ്റ്റ്യൻ, ബോബൻ കൊടുവത് തുടങ്ങി മുൻ കാല ഭാരവാഹികളും സംബന്ധിച്ചു. ‘നമ്മുടെ റേഡിയോ ‘, ത്രീ ഏയ്ഞ്ചൽ റൂഫിങ്, ഗ്രാൻഡ് ലിക്കർ ഗ്രൂപ്പ്‌, സിഗ്മ ട്രാവെൽസ്, ഇമ്പാക്ട് ടാസ്‌, പ്രൈം ചോയ്സ് ഇൻഷുറൻസ്, റെഡ് ചില്ലി റേസ്റ്റോറന്റ് പ്രസ്തുത പരിപാടിയുടെ സ്പോൺസർമാരായി പ്രവർത്തിച്ചു. കൂടാതെ ഡാള്ളസിലെ സുമനസ്സുകളായ മറ്റു സ്പോൺസർമാരും ഇതിൽ സഹകരിച്ചു.

(റിപ്പോർട്ട്‌ :അനശ്വരം മാമ്പിള്ളി )

ഫോട്ടോസ് : രഞ്ജിത്