തിരുവനന്തപുരം: നിയമസഭാ തെരഞ്ഞെടുപ്പ് തോൽവിക്ക് പിന്നാലെ പാർട്ടിയിൽ അടിമുടി പരിഷ്കരണത്തിനും തിരുത്തൽ നടപടികൾക്കുമൊരുങ്ങി സിപിഎം. വിശാല സംസ്ഥാന കമ്മിറ്റി യോഗത്തിന് ശേഷം സംസ്ഥാന സെക്രട്ടേറിയറ്റിലും നേതൃതലത്തിലും മാറ്റങ്ങളുണ്ടായേക്കുമെന്ന് സൂചന. തോൽവിക്ക് പിന്നാലെ പാർട്ടിയിൽ അടിയന്തരമായി പരിഷ്കരണങ്ങൾ നടപ്പാക്കണമെന്ന് സിപിഎം കേന്ദ്രകമ്മിറ്റി നേരത്തെ നിർദേശം നൽകിയിരുന്നു.
സെപ്റ്റംബർ 13 മുതൽ 15 വരെ കോഴിക്കോട് വെച്ചാണ് വിശാല സംസ്ഥാന കമ്മിറ്റി യോഗം ചേരുന്നത്. സംസ്ഥാന കമ്മിറ്റി അംഗങ്ങൾക്ക് പുറമേ ജില്ലാ സെക്രട്ടേറിയറ്റ് അംഗങ്ങൾ, വർഗ്ഗ-ബഹുജന സംഘടനാ ഭാരവാഹികൾ തുടങ്ങിയവരും ഈ യോഗത്തിൽ പങ്കെടുക്കും. മുതിർന്ന നേതാക്കൾക്കെതിരെയുള്ള വിമർശനങ്ങളടങ്ങിയ കേന്ദ്ര കമ്മിറ്റി റിപ്പോർട്ട് സംസ്ഥാന കമ്മിറ്റി അംഗീകരിച്ചിട്ടുണ്ട്.
Leave a Comment
Your comment will be visible after admin approval.