ജോസഫ് പാപ്പൻ
ന്യൂയോർക് : മലങ്കര ഓർത്തഡോൿസ് സഭയുടെ പ്രഥമ പ്രഖ്യാപിത പരിശുദ്ധനായ ഗീവര്ഗീസ് മാർ ഗ്രീഗോറിയോസ് തിരുമേനിയുടെ നൂറ്റിഇരുപത്തിമൂന്നാമതു (123th)ഓർമ്മപ്പെരുന്നാളും നാല്പ്പതെട്ടാമതു (48th) ഇടവകപ്പെരുന്നാളും അമേരിക്കയിലെ പരുമല എന്നറിയപ്പെടുന്ന ക്വീൻസ് St ഗ്രീഗോറിയോസ് ഓർത്തഡോൿസ് ഇടവകയിൽ വെള്ളി,ശനി (Nov-7,8)ദിവസങ്ങളിൽ നടത്തപ്പെടുന്നു .
നവംബർ 2 ഞായറാഴ്ച വിശുദ്ധ കുർബ്ബാനയ്ക്ക് ശേഷം ഇടവക വികാരി റവ.ഫാ.ജെറി വര്ഗീസ് കൊടി ഉയർത്തി . വെള്ളിയാഴ്ച വൈകിട്ട് 7 മണിക്ക് സന്ധ്യാപ്രാർത്ഥനയും , ധ്യാനപ്രസംഗവും മധ്യസ്ഥപ്രാർത്ഥനയും , ശനിയാഴ്ച രാവിലെ 8:30 ന് , പ്രഭാതനമസ്കാരവും വിശുദ്ധകുർബ്ബാനയും തുടർന്ന് ഭക്തിനിർഭരമായ പ്രദിക്ഷണവും സ്നേഹവിരുന്നും ഉണ്ടായിരിക്കുന്നതാണ് .
ബാൾട്ടിമോർ St.തോമസ് ഇന്ത്യൻ ഓർത്തഡോൿസ് ഇടവകയുടെ വികാരി റവ.ഫാ. ടോബിൻ മാത്യു പെരുന്നാൾ ശുശ്രൂഷകൾക്ക് നേതൃത്വം നൽകുന്നു . എല്ലാ വിശ്വാസികളുടെയും പ്രാര്ഥനാപൂർണ്ണമായ സാന്നിധ്യ സഹകരണങ്ങൾ സാദരം ക്ഷണിച്ചുകൊള്ളുന്നു .
