കുര്യൻ ഫിലിപ്പ്
ഷിക്കാഗോ: അടുത്തവർഷം നടക്കാനിരിക്കുന്ന നാല്പതാമത് പെന്തക്കോസ്തൽ കോൺഫ്രൻസ് ഓഫ് നോർത്ത് അമേരിക്കൻ കേരളൈറ്റ്സിന്റെ (പിസിനാക്ക് ) റജിസ്ട്രേഷൻ പുരോഗമിക്കുന്നതായി ഭാരവാഹികൾ അറിയിച്ചു.
ഡിസ്കൗണ്ടോടു കൂടിയ പ്രീ റജിസ്ട്രേഷൻ ഡെഡ് ലൈൻ ജനുവരി 31ൽ നിന്ന് ഡിസംബർ 31ലേക്ക് മാറ്റിയതായി നാഷനൽ കമ്മിറ്റി അറിയിച്ചു. ജനുവരി ഒന്നു മുതൽ റജിസ്റ്റർ ചെയ്യുന്നവർക്ക് ഭക്ഷണത്തിനും താമസത്തിനും സൗജന്യ നിരക്കുകൾ ഉണ്ടായിരിക്കുന്നതല്ല. റജിസ്ട്രേഷൻ ഫീസ് 30 ഡോളറിൽ നിന്ന് 50 ഡോളറായി വർധിക്കും.
റജിസ്ട്രേഷൻ സംബന്ധമായ സഹായം ആവശ്യമുള്ളവർ ഷെറി ജോർജ് (414 469 9903), പാസ്റ്റർ ജോൺ വർഗീസ്(847 721 0885), ബാബു മാത്യു(630 344 9091), എന്നിവരെ ബന്ധപ്പെടാം. കോൺഫ്രൻസ് നടക്കുന്ന ഹോട്ടലിൽ തന്നെ താമസ സൗകര്യവും ഭക്ഷണവും ആവശ്യമുള്ളവർ ഉടനെ തന്നെ റജിസ്റ്റർ ചെയ്യണമെന്നും ഭാരവാഹികൾ അറിയിച്ചു. കോൺഫറൻസിന്റെ സ്പോൺസർമാർക്കും ആദ്യം റജിസ്റ്റർ ചെയ്യുന്നവർക്കും മുൻഗണന ഉണ്ടായിരിക്കും.
പാർക്കിങ് സൗജന്യമാണ്. ഇന്ത്യൻ ഭക്ഷണം ഉൾപ്പെടെയുള്ള അന്തിമ ഭക്ഷണ ലിസ്റ്റിന് പിസിനാക്ക് ഭാരവാഹികൾ അംഗീകാരം നൽകി ഹോട്ടലിലെ കേറ്ററിങ് കമ്പനിയുമായി കരാർ ഒപ്പിട്ടു. ഷിക്കാഗോ ഒഹയർ രാജ്യാന്തര വിമാനത്താവളത്തിൽ നിന്ന് കൃത്യമായ ഇടവേളകളിൽ വാഹന സൗകര്യങ്ങൾ ഏർപ്പെടുത്തിയിട്ടുണ്ട്. കോൺഫറൻസ് സംബന്ധമായ വിശദീകരണങ്ങൾ www. pcnakchicago.org എന്ന വെബ്സൈറ്റിൽ ലഭ്യമാണ്. നാഷനൽ കൺവീനർ പാസ്റ്റർ ജോർജ് കെ സ്റ്റീഫൻസൺ, സെക്രട്ടറി സാം മാത്യു, ട്രഷറർ പ്രസാദ് ജോർജ്, ഡോക്ടർ ജോനാഥൻ ജോർജ്, ജീന വിൽസൺ എന്നിവരാണ് ദേശീയ എക്സിക്യൂട്ടീവ് കമ്മിറ്റി ഭാരവാഹികൾ.
