വര്ഗീസ് പാലമലയില്
ചിക്കാഗോ: മഞ്ഞനിക്കരയില് കബറടങ്ങിയിരിക്കുന്ന പരിശുദ്ധനായ മോറാന് മോര് ഇഗ്നാത്തിയോസ് ഏലിയാസ് തൃതിയന് പാത്രിയര്ക്കീസ് ബാവായുടെ 94-ാമത് ഓര്മ്മപ്പെരുന്നാള് ചിക്കാഗോയിലുള്ള സെന്റ് പീറ്റേഴ്സ് സെന്റ് ജോര്ജ്, സെന്റ് മാര്ക്ക് ക്നാനായ എന്നീ യാക്കോബായ സുറിയാനി ഓര്ത്തഡോക്സ ഇടവകകളുടെ സംയുക്താഭിമുഖ്യത്തില് 2026 ഫെബ്രുവരി 7, 8(ശനി, ഞായര്) തീയ്യതികളില് നോര്ത്ത് ലെയ്ക്ക് സെന്റ് പീറ്റേഴ്സ് പള്ളിയില് വച്ച്(150 E. Belle Drive, Northlake, IL-60164) വിപുലമായ രീതിയില് കൊണ്ടാടുവാന് 10-15-25 ല് സെന്റ് പീറ്റേഴ്സ് പള്ളിയില് വച്ച് കൂടിയ സംയുക്ത പെരുന്നാള് കമ്മറ്റി തീരുമാനിച്ചു. ഈ പെരുന്നാളിന്റെ പ്രധാന കാര്മ്മികന് ക്നാനായ അതിഭദ്രാസന മെത്രാപ്പോലീത്ത അഭിവന്ദ്യ ഡോക്ടര് അയൂബ് മോര് സില്വാനിയോസ് ആണ്.
മലങ്കരയില് കബറടങ്ങിയിരിക്കുന്ന ഏക പാത്രിയര്ക്കീസാണ് പരിശുദ്ധനായ മോറാന് മോര് ഇഗ്നാത്തിയോസ് ഏലിയാസ് തൃതിയന് ബാവ.
ഈ പെരുന്നാളില് നേര്ച്ച കാഴ്ചകളോടെ വന്ന് സംബന്ധിച്ച് അനുഗ്രഹം പ്രാപിപ്പാന് വിശ്വാസികളായ നിങ്ങളേവരേയും സംഘാടകര് സ്നേഹപൂര്വ്വം ക്ഷണിക്കുന്നു.
വര്ഗീസ് പാലമലയില്
224-659-0911
