ശ്രീകുമാർ ഉണ്ണിത്താൻ
ന്യൂ യോർക്ക് : ഫൊക്കാന പ്രസിഡന്റ് സജിമോൻ ആന്റണി മാതാ അമൃതാനന്ദമയിയുമായി കൂടികാഴ്ച നടത്തി. അമൃതാനന്ദമയിയുടെ ആസ്ഥാനമായ കരുനാഗപ്പള്ളിയ്ക്കടുത്തുള്ള പറയകടവിലെ ആശ്രമത്തിൽ ആയിരുന്നു കൂടികാഴ്ച . ഹൃദയാശ്ലേഷത്തോടെയാണ് ‘അമ്മ സജിമോൻ ആന്റണിയെ വരവേറ്റത് . സജിമോൻ ആന്റണി ഫൊക്കാനയുടെ പ്രവർത്തനത്തങ്ങളെ പറ്റി അമ്മക്ക് വിവരിച്ചുകൊടുത്തു, കൺവെൻഷനിലേക്കു ക്ഷണിക്കുകയും ചെയ്തു . ഏകദേശം 7 മിനിറ്റിൽ കൂടുതൽ കാണുവാനും സംസാരിക്കുവാനും കഴിഞ്ഞു.
ഉപരാഷ്ട്രപതി സി. പി. രാധാകൃഷ്ണനുമായി കുടിക്കാഴ്ചക്ക് വേണ്ടി അദ്ദേഹത്തിന്റെ ഓഫീസിൽ ഇരിക്കുന്ന സമയത്തു മാതാ അമൃതാനന്ദമയിയുടെ ഓഫീസിലെ സീനിയർ ഡയറക്ടറുമായി നടന്ന അപ്രതീക്ഷിതമായ കുടിക്കാഴ്യാണ് ഈ മീറ്റിംഗിലേക്കു വഴിതെളിച്ചത് .
ആശ്രമത്തിന്റെ ചാരിറ്റി പ്രവർത്തനത്തെ പറ്റി അദ്ദേഹം ഫൊക്കാന പ്രസിഡന്റിന് വിവരിച്ചു കൊടുത്തു . വളരെ അധികം ആളുകൾ കാത്തുനിൽക്കുബോൾ ആണ് ‘അമ്മ പ്രൈവറ്റായിട്ട് കൂടികാഴ്ച അനുവദിച്ചത്. ഫൊക്കാനയുടെ പ്രവർത്തങ്ങളിൽ ‘അമ്മ എല്ലാ വിധ ആശംസകളും നേർന്നു . സജിമോൻ ആന്റണിക്ക് ‘അമ്മ പ്രത്യേക സമ്മാനവും നൽകി. സജിമോനോടൊപ്പം കേരള കോർഡിനേറ്റർ സുനിൽ പാറക്കലും പങ്കെടുത്തു. ഫൊക്കാനയുടെ പ്രവത്തനങ്ങളെ പ്രശംസിച്ചതിലും കൂടികാഴ്ച അനിവധിച്ചതിലും പ്രസിഡന്റ് സജിമോൻ ആന്റണി അമ്മയ്ക്കും ആശ്രമത്തിനും നന്ദി രേഖപ്പെടുത്തി.
