കുവൈത്ത് സിറ്റി : ലഹരിമരുന്ന് കേസില്‍ അകപ്പെട്ട് വര്‍ഷങ്ങളായി ജയിലില്‍ കഴിഞ്ഞിരുന്ന സൈനിക കരാറുകാര്‍ ഉള്‍പ്പെടെയുള്ള ആറ് അമേരിക്കന്‍ തടവുകാരെ കുവൈത്ത് മോചിപ്പിച്ചു. രണ്ട് സഖ്യകക്ഷി രാജ്യങ്ങള്‍ തമ്മിലുള്ള സൗഹാര്‍ദത്തിന്റെ ഭാഗമായിട്ടാണ് മോചനം.വിദേശ രാജ്യങ്ങളില്‍ തടവിലാക്കപ്പെട്ട അമേരിക്കന്‍ പൗരന്മാരെ നാട്ടിലേക്ക് തിരികെയെത്തിക്കാന്‍ യുഎസ് സര്‍ക്കാരിന്റെ ശ്രമം നടന്ന് വരുകയാണ്. ഇതിന് മുന്നോടിയായി ട്രംപ് ഭരണകൂടത്തിലെ ഉന്നത പ്രതിനിധി ആദം ബോഹ്ലര്‍ അടുത്തിടെ മേഖല സന്ദര്‍ശിച്ചതിന്റെ അടിസ്ഥാനത്തിലുമാണ് മോചനം.തടവുകാര്‍ മോചിപ്പിക്കപ്പെട്ട വിവരം അമേരിക്കന്‍ ബന്ദികളും തടവുകാരും ഉള്‍പ്പെടുന്ന കേസുകള്‍ കൈകാര്യം ചെയ്യുന്ന സ്വകാര്യ ഉപദേഷ്ടാവായ ജോനാഥന്‍ ഫ്രാങ്ക്സ് മാധ്യമങ്ങള്‍ക്ക് നല്‍കുകയായിരുന്നു. ജോനാഥനും ജയില്‍ മോചിതരും ചേര്‍ന്ന് കുവൈത്ത് വിമാനത്താവളത്തില്‍ നിന്ന് ന്യൂയോര്‍ക്കിലേക്ക് പോകുന്നതിന് മുന്‍പ് എടുത്ത ചിത്രങ്ങള്‍ സഹിതമാണ് പുറത്ത് വിട്ടത്.
ലഹരിമരുന്ന് കേസില്‍ ജയിലില്‍ കഴിഞ്ഞിരുന്ന ആറ് അമേരിക്കന്‍ തടവുകാരെ കുവൈത്ത് മോചിപ്പിച്ചു
RELATED ARTICLES
