(അനശ്വരം മാമ്പിള്ളി )
ഡാളസ് ∙ അമേരിക്കയിൽ മലയാള ഭാഷയെ സ്നേഹിക്കുന്ന, ഭാഷാസാഹിത്യത്തെ പ്രോത്സാഹിപ്പിക്കുന്ന അമേരിക്കൻ കേന്ദ്ര സാഹിത്യ സംഘടനയായ ലിറ്ററെറി അസോസിയേഷൻ ഓഫ് നോർത്ത് അമേരിക്ക (ലാനാ) 2025-26 വർഷത്തെക്കുള്ള പുതിയ നേതൃത്വം ചുമതലയേറ്റു.
കഴിഞ്ഞ ഞായറാഴ്ച നവംബർ 2 നടന്ന പൊതുയോഗത്തിൽ പുതിയ ഭരണ സമിതിയെ തിരഞ്ഞെടുക്കുകയുണ്ടായി. സാമൂവൽ യോഹന്നാൻ ഡാളസ് (പ്രസിഡന്റ്)നിർമല ജോസഫ്, ന്യൂയോർക് (സെക്രട്ടറി) ഷിബു പിള്ള, നാഷ്വില്ല (വൈസ് പ്രസിഡന്റ്) സന്തോഷ് പാലാ, ന്യൂയോർക് (ജോയിന്റ് സെക്രട്ടറി), ഹരിദാസ് തങ്കപ്പൻ, ഡാളസ് (ട്രഷറർ) ജേക്കബ് ജോൺ, ന്യൂയോർക് (ജോയിന്റ് ട്രഷറർ) എന്നിവരാണ് പുതിയ നേതൃത്വം.
