സജി കാവിന്ദരികത്ത് (മെൻസ് ഫോറം കോ ചെയർ )
താര ലോകത്തെയും സാമൂഹിക വേദികളെയും ഒരുപോലെ സ്വാധീനിച്ച കേസിൽ, നടൻ ദിലീപിനെതിരെ ഉയർന്നിരുന്ന പ്രധാന കുറ്റാരോപണങ്ങളിൽ കോടതി നൽകിയ വിമുക്തി കേരള സമൂഹത്തിൽ വിപുലമായ പ്രതികരണങ്ങൾ ഉണ്ടാക്കിയിരിക്കുകയാണ്. ഈ സംഭവത്തെ പഴയ വാദപ്രതിവാദങ്ങളുടെ തുടർച്ചയായ് കാണാതെ, സമൂഹത്തിന്റെ വലിയ പഠനമായി കാണണമെന്ന് ഫൊക്കാന മെൻസ് ഫോറം അഭിപ്രായപ്പെടുന്നു.
ഇത്തരത്തിലുള്ള കേസുകൾ പൊതുസമൂഹത്തിൽ ചിന്തകൾ, വികാരങ്ങൾ, ഭിന്നാഭിപ്രായങ്ങൾ എന്നിവ സൃഷ്ടിക്കുക സ്വാഭാവികമാണ്. പക്ഷേ നിയമ വ്യവസ്ഥയുടെ പ്രവർത്തനം, തെളിവുകളുടെ വസ്തുനിഷ്ഠമായ വിലയിരുത്തൽ, സമൂഹം വസ്തുതകളെ അടിസ്ഥാനമാക്കിയുള്ള സമീപനം എന്നിവയാണ് അവസാനമായി തീരുമാനത്തെ രൂപപ്പെടുത്തുന്നത്. കോടതിയുടെ ഒരു വിധിപോലും സമൂഹത്തെ പുതിയ ചോദ്യങ്ങളിലേക്ക് നയിക്കുമ്പോൾ, ആ ചോദ്യങ്ങൾ ആവശ്യമായ പരസ്പര ബഹുമാനത്തോടെ, യുക്തിപരമായ സംഭാഷണങ്ങളിലൂടെ പരിഗണിക്കപ്പെടേണ്ടതുണ്ടെന്ന് ഞങ്ങൾ വിശ്വസിക്കുന്നു.
ഫൊക്കാന മെൻസ് ഫോറം രൂപീകരിക്കപ്പെടുന്നത് സമൂഹത്തിലെ പുരുഷന്മാർക്കും കുടുംബങ്ങൾക്കും കൂടുതൽ ആരോഗ്യകരമായ സംവാദത്തിനുള്ള ഇടം സൃഷ്ടിക്കുകയാണ് ഉദ്ദേശ്യം. ജനങ്ങൾ തമ്മിലുള്ള ആശയവിനിമയം കൂടുതൽ ഉദാത്തമാകുമ്പോൾ മാത്രമേ സമൂഹം സമത്വത്തെയും നീതിയുടെയും പാതയിൽ മുന്നോട്ടു പോകാനാകൂ. ദിലീപ് കേസിൽ വന്ന പുതിയ വിധി, കുറ്റം ആരുടേതാണെന്ന ചർച്ചയ്ക്കപ്പുറം, വിവാദങ്ങൾ ഉയർന്നപ്പോൾ സമൂഹം എങ്ങനെ പ്രതികരിക്കണം, മാധ്യമങ്ങൾ എത്രത്തോളം ഉത്തരവാദിത്വത്തോടെ പ്രവർത്തിക്കണം, വ്യക്തി പ്രതിച്ഛായയും നീതിപീഠത്തിന്റെ പ്രവർത്തനവും തമ്മിൽ എങ്ങനെ ഒരു ആരോഗ്യകരമായ ദൂരം പാലിക്കാം എന്ന വിഷയങ്ങളിൽ കൂടുതൽ ആഴമായുള്ള ചിന്തകൾക്ക് വഴിയൊരുക്കിയിരിക്കുന്നു.
സമൂഹം വിഭിന്നതയില്ലാതെ, വ്യക്തിപരമായ ആക്ഷേപങ്ങൾ ഒഴിവാക്കി, കേസുകളെയും വിധികളെയും ഒരു പഠന അവസരമായി കാണണം. ഇതിലൂടെ നിയമ വ്യവസ്ഥയെ കൂടുതൽ മനസ്സിലാക്കാനും, പൊതുചർച്ചയെ കൂടുതൽ സംസ്കാരപരമാക്കാനും സാധിക്കും. സമൂഹത്തിലെ പുരുഷന്മാരും സ്ത്രീകളും ഒരുപോലെ സുരക്ഷിതരാകണമെന്നും, ന്യായം കിട്ടാനുള്ള വിശ്വാസം എല്ലാവർക്കും ഉറപ്പുവരുത്തണമെന്നും ഞങ്ങൾ വിശ്വസിക്കുന്നു.
കേരളത്തെ സംബന്ധിച്ച ഈ സംഭവം അമേരിക്കയിലും ലോകമെമ്പാടുമുള്ള മലയാളികളുടെ ഇടയിൽ വലിയ ചർച്ചകൾക്കിടയാക്കിയിട്ടുണ്ട്. അതുകൊണ്ട് തന്നെ, നമ്മുടെ സമൂഹങ്ങൾ വികാരത്താൽ അല്ല, വസ്തുതകളാലും നീതിയാലും നയിക്കപ്പെടണം എന്നാണ് ഈ അവസരത്തിൽ ഫൊക്കാന മെൻസ് ഫോറം പങ്കുവയ്ക്കുന്ന സന്ദേശം.
