ടാമ്പ: വേൾഡ് മലയാളി കൗൺസിലിന്റെ നേതൃത്വത്തിൽ അമേരിക്ക റീജിയനും ഫ്ലോറിഡ പ്രൈം പ്രൊവിൻസും സംയുക്തമായി സംഘടിപ്പിച്ച പുതുവത്സര സൗഹൃദ–സാംസ്കാരിക സംഗമം ‘സാന്റാസ് ആഫ്റ്റർ പാർട്ടി 2026’ ജനുവരി 17 ശനിയാഴ്ച ടാമ്പയിൽ വിജയകരമായി നടന്നു. വാൽറിക്കോയിലെ സേക്രഡ് ഹാർട്ട് ക്നാനായ കത്തോലിക്കാ കമ്മ്യൂണിറ്റി സെന്ററിൽ നടന്ന പരിപാടിയിൽ വലിയ ജനപങ്കാളിത്തമുണ്ടായി.
മലയാള സിനിമയിലെ ആക്ഷൻ ഹീറോ ബാബു ആന്റണി മുഖ്യാതിഥിയായി ചടങ്ങിൽ പങ്കെടുത്തു. വേൾഡ് മലയാളി കൗൺസിൽ ആഗോള പ്രസിഡന്റ് ഡോ. ബാബു സ്റ്റീഫൻ മുഖ്യ പ്രഭാഷണം നടത്തി . ഡോ. ഷിബു (ചെയർമാൻ), ബ്ലെസ്സൺ (അമേരിക്ക മേഖല പ്രസിഡന്റ്), മഞ്ജു സുരേഷ് (അമേരിക്ക മേഖല സെക്രട്ടറി), രാജു മൈലപ്ര (അമേരിക്ക മേഖല മീഡിയ) എന്നിവർ പരിപാടിക്ക് നേതൃത്വം നൽകി.
ചടങ്ങിൽ ഫാ. ജെക്കു സക്കറിയ, ഡോ. ആംബ്രോസ് (ഫ്ലോറിഡ പ്രൈം പ്രൊവിൻസ് ചെയർമാൻ), കരോലൈൻ ബ്ലെസൺ (ഫ്ലോറിഡ പ്രസിഡന്റ്), അഞ്ജലി നായർ (ഫ്ലോറിഡ സെക്രട്ടറി), ദീപക് സതീഷ് (ഫ്ലോറിഡ ട്രഷറർ), ബേബി സെബാസ്റ്റ്യൻ (മുൻ ട്രഷറർ) എന്നിവർ പങ്കെടുത്തു.
ഇതോടൊപ്പം സിദ്ധാർത്ഥ്, രേമ്യ, പ്രിയ, ജെയിംസ് ഇല്ലിക്കൽ (KCCNA പ്രസിഡന്റ്), സണ്ണി മട്ടമന (FOKANA ഇന്റർനാഷണൽ), ലിൻഡോ ജോളി, ഗ്രേസ് (TMA), ജോൺ കല്ലോലിക്കൽ (FOKANA), ബിജോയ് MAT, സ്റ്റാൻലി ജോൺ, ഷീജ, ദേവ, ടോണി ജന്നു, ശ്രാവൺ മാധംസെട്ടി എന്നിവർ സാന്നിധ്യമേകി.
കൂടാതെ ലക്ഷ്മി പീറ്റർ (അമേരിക്ക മേഖല വുമൺസ് ഫോറം ചെയർ), പ്രിയ വെസ്ലി (അമേരിക്ക മേഖല വൈസ് പ്രസിഡന്റ് – അഡ്മിൻ), സൂസൻ സക്കറിയ (നോർത്ത് വിർജീനിയ പ്രൊവിൻസ് പ്രസിഡന്റ്) എന്നിവരും ചടങ്ങിൽ പങ്കെടുത്തു.
പരിപാടിയുടെ ഭാഗമായി ഫാ. ജിമ്മി ജെയിംസ് ക്രിസ്തുമസ്–പുതുവത്സര സന്ദേശം നൽകി. സ്കൈവേ ബ്രിഡ്ജ് ബാൻഡ് അവതരിപ്പിച്ച ലൈവ് സംഗീത പരിപാടി സദസിനെ ആവേശത്തിലാക്കി.
KCCNA, FOKANA, TMA എന്നിവ പോലുള്ള പ്രമുഖ മലയാളി സംഘടനകളുടെ നേതാക്കളുടെ സാന്നിധ്യം പ്രവാസി മലയാളി സമൂഹത്തിലെ ഐക്യവും സഹകരണവും ശക്തമായി പ്രതിഫലിപ്പിക്കുന്നതാണെന്ന് സംഘാടകർ അറിയിച്ചു. ഫ്ലോറിഡയിലെ മലയാളി സമൂഹത്തിന് ഓർമ്മയിൽ നിൽക്കുന്ന ആഘോഷമായി ‘സാന്റാസ് ആഫ്റ്റർ പാർട്ടി 2026’ മാറിയതായി അവർ പറഞ്ഞു.
