ഹൂസ്റ്റൻ, ടെക്‌സസ് : റൈസ് യൂണിവേഴ്സിറ്റിയിലെ ഇന്ത്യൻ വംശജരായ വിദ്യാർഥികളുടെ സംഘടനയായ ദി ഇന്ത്യൻ സ്റ്റുഡന്റ്സ് അറ്റ് റൈസ് (ഐഎസ്എആർ) ദീപാവലി ആഘോഷം സംഘടിപ്പിച്ചു. ദീപോത്സവ് 2023 എന്ന പേരിലുള്ള ആഘോഷ പരിപാടികളിൽ എഴുനൂറിലേറെ വിദ്യാർഥികളും അധ്യാപകരും പങ്കാളികളായി.
ഹൂസ്റ്റണിലെ ഇന്ത്യൻ കോൺസൽ ജനറൽ എം.ഡി.മഞ്ജുനാഥ് ആഘോഷ പരിപാടികൾ ഉദ്ഘാടനം ചെയ്തു. റൈസ് യൂണിവേഴ്സിറ്റി പ്രസിഡന്റ് റെജിനോൾഡ് ഡെറോച്ചസ് മുഖ്യപ്രഭാഷണം നടത്തി. ടെക‌്‌സസിലെ മിസോറി സിറ്റി മേയർ റോബിൻ ഇലക്കാട്ട്, ഗ്രാജ്വേറ്റ് പ്രോഗ്രാം ഡീൻ സീഷി മറ്റ്സൂദ, റിസർച് വിഭാഗം എക്സിക്യൂട്ടീവ് വൈസ് പ്രസിഡന്റ് രമേഷ് രാമമൂർത്തി, ഐഎസ്എആർ പ്രസിഡന്റ് എമിൽ ബിന്നി എന്നിവർ പ്രസംഗിച്ചു.
ഹൂസ്റ്റനിലെ ഇന്ത്യയ്ക്കാരായ വിദ്യാർഥി സമൂഹത്തിന്റെ ഏറ്റവും വലിയ ആഘോഷമായി ദീപോത്സവത്തെ മാറ്റാനായെന്നും ഇന്ത്യൻ സംസ്കാരത്തെ തദ്ദേശീയർക്കു മുന്നിൽ അവതരിപ്പിക്കാനും കഴിഞ്ഞതായി ഐഎസ്എആർ പ്രസിഡന്റും മലയാളിയുമായ എമിൽ ബിന്നി പറഞ്ഞു.
