പി പി ചെറിയാൻ
ബ്രൂക്ലിൻ (ന്യൂയോർക്ക്) : ബ്രൂക്ലിനിൽ ഒരു കുടുംബത്തിലെ രണ്ട് ചെറിയ കുട്ടികൾ ഉൾപ്പെടെ നാല് പേരെ അപ്പാർട്ട്മെന്റിൽ കുത്തേറ്റ് മരിച്ച നിലയിൽ കണ്ടെത്തി. കൊലപാതകം നടത്തിയെന്ന് സംശയിക്കുന്ന 24 കാരനായ ബന്ധുവിനെ കസ്റ്റഡിയിലെടുത്തു ചോദ്യം ചെയ്തു വരികയാണെന്ന് പൊലീസ് പറഞ്ഞു.
അപ്പാർട്ട്മെന്റിൽ ആക്രമണം നടക്കുന്നുവെന്ന വിവരം ലഭിച്ചതിനെത്തുടർന്നു എത്തിച്ചേർന്ന പൊലീസ് കഴുത്തിലും ശരീരത്തിലും ഒന്നിലധികം തവണ കുത്തേറ്റ 56 കാരിയായ സ്ത്രീയെ മരിച്ച നിലയിൽ കണ്ടെത്തിയതായി ന്യൂയോർക്ക് പൊലീസ് പറഞ്ഞു. 27 വയസ്സുള്ള മറ്റൊരു സ്ത്രീയും, 5 വയസ്സുള്ള പെൺകുട്ടി, 4 വയസ്സുള്ള ആൺകുട്ടി എന്നിവരെയും കുത്തേറ്റ് മരിച്ച നിലയിൽ കണ്ടെത്തി.
