പി.പി. ചെറിയാൻ
ഡാളസ്:ഇന്ത്യൻ അസോസിയേഷൻ ഓഫ് ടെക്സസ് ഓഗസ്റ്റ് 12 ശനിയാഴ്ച ഡാളസിൽ ആനന്ദ് ബസാർ സംഘടിപ്പിക്കുന്നു .മുമ്പെങ്ങുമില്ലാത്തവിധം ഗംഭീരമായ ആഘോഷത്തോടെയാണ് ഈ വർഷത്തെ എഴുപത്തിആറാമത് ഇന്ത്യൻ സ്വാതന്ത്ര്യദിനാഘോഷങ്ങൾ സംഘടിപ്പിക്കുന്നത്.
ഡാനിഷിന്റെയും സയാലിയുടെയും തത്സമയ സംഗീതം, ആകർഷകമായ പ്രകടനങ്ങൾ, വെടിക്കെട്ട്, രുചികരമായ ഭക്ഷണം, തുടങ്ങി എല്ലാ പ്രായക്കാർക്കും രസകരമായ പ്രവർത്തനങ്ങൾ എല്ലാം ഈ പരിപാടിയുടെ ഭാഗമായി കൃമീകരിച്ചിട്ടുണ്ടെന്നു
സംഘാടകർ അറിയിച്ചു
ആദ്യമായി മധ്യപ്രദേശ് അസോസിയേഷൻ ഓഫ് ഡാളസ് ആണ് ആനന്ദ് ബസാറിൽ പങ്കെടുക്കുന്നത്.
ഡാളസ് ഫോർട്ട് വർത്ത് ഏരിയയിൽ നിന്നുള്ള എല്ലാ എംപിമാരും ഈ പരിപാടിയിൽ പങ്കെടുക്കും. ഫ്രിസ്കോ റഫ് റൈഡേഴ്സ് സ്റ്റേഡിയത്തിലെ ഇവരുടെ ബൂത്ത് സന്ദർശിക്കുകയും ചെയ്യും.
സ്ഥലം: ഫ്രിസ്കോ റഫ് റൈഡേഴ്സ് ബോൾപാർക്ക് 7300 റഫ് റൈഡേഴ്സ് ട്രയൽ, ഫ്രിസ്കോ, ടെക്സസ്, യു.എസ്.
4:00 PM മുതൽ 10:00 PM വരെ
