പി പി ചെറിയാൻ
ഡാലസ്: കഴിഞ്ഞ മാസം 24ന് കാണാതായ ഡാലസിലെ ടെക്‌സസ് സർവകലാശാലയിലെ രണ്ടാം വർഷ വിദ്യാർഥി ആൻഡ്രൂ സോ ലി (20) മരിച്ചതായി പൊലീസ് സ്ഥിരീകരിച്ചു. സമൂഹമാധ്യമത്തിലൂടെയാണ് വിദ്യാർഥിയുടെ മരണ സ്ഥീകരിച്ച കാര്യം പൊലീസ് അറിയിച്ചത്.
ഹൂസ്റ്റൺ സ്വദേശിയ ആൻഡ്രൂ സോ ലിയെ കഴിഞ്ഞ മാസം 24ന് വൈകുന്നേരം തന്‍റെ ഡോർമിൽ നിന്ന് പുറത്ത് പോകുന്നതിനിടെയാണ് അവസാനമായി കണ്ടത്. സെൽഫോണും ബാക്ക്‌പാക്കും ലാപ്‌ടോപ്പും മുറിയിൽ ഉപേക്ഷിച്ച നിലയിൽ കണ്ടെത്തിയെന്ന ലിയുടെ അമ്മ പറഞ്ഞു. സംഭവത്തിൽ അന്വേഷണം പുരോഗമിക്കുകയാണ്.
