ഹൂസ്റ്റണ്: ഗ്ലോബല് ഇന്ത്യന് ഐക്കൺ ഓഫ് ദി ഇയര് പുരസ്കാരം സജി തോമസ് കൊട്ടാരക്കരയ്ക്കു സമ്മാനിച്ചു. ഡിജിപി ടോമിന് തച്ചങ്കരി, റോബിന് ഇലക്കാട്ട്, കെവിൻ കോൾ എന്നിവർ ചേര്ന്നാണ് പുരസ്കാരം സമ്മാനിച്ചത്. പുരസ്കാരത്തോടൊപ്പം ആയിരം ഡോളറും സമ്മാനമായി നല്കി.
പുരസ്കാരദാന ചടങ്ങിന് ഇന്ത്യന് ക്രിസ്ത്യന് എക്യൂമെനിക്കല് ചര്ച്ച് പ്രസിഡന്റ് റവ. ഫാ. ഏബ്രഹാം സക്കറിയ, മുന് അംബാസിഡര് ടി. പി. ശ്രീനിവാസാന്, ടോമിന് തച്ചങ്കരി ഐപിഎസ്, തോമസ് ചെറുകര, ഗ്ലോബല് ഇന്ത്യന് ലീഗല് അഡ്വൈസർ ഏബ്രഹാം മാത്യു, ജനപ്രതിനിധികളായ കെ. പി. ജോര്ജ്, റോബിന് ഇലക്കാട്ട്, സുരേന്ദ്രന് പാട്ടേല്, ജൂലി മാത്യു തുടങ്ങിയവര് ചേര്ന്നാണ് തിരിതെളിയിച്ചത്. ഗ്ലോബല് ഇന്ത്യന് ന്യൂസ് ഗ്രൂപ്പ് ചെയര്മാന് ജെയിംസ് കൂടല്, എഡിറ്റര് ഇന് ചീഫ് ഹരി നമ്പൂതിരി, ചീഫ് എക്സിക്യൂട്ടീവ് ഓഫിസര് തോമസ് സറ്റീഫന് തുടങ്ങിയവര് ചേര്ന്നാണ് തിരി തെളിയിച്ചത്.
