പി പി ചെറിയാന്‍
ഹൂസ്റ്റണ്‍: അന്തരിച്ച മുന്‍ മുഖ്യമന്ത്രി ഉമ്മന്‍ ചാണ്ടിക്ക് അമേരിക്കന്‍ മലയാളികളുടെ ആദരവൊരുക്കി ഓവര്‍സീസ് ഇന്ത്യന്‍ കള്‍ച്ചറല്‍ കോണ്‍ഗ്രസ് യു എസ് എ സംഘടിപ്പിച്ച അനുസ്മരണ സമ്മേളനം അവിസ്മരണീയമായി.
സൂം പ്ലാറ്റഫോമില്‍ സംഘടിപ്പിച്ച ചടങ്ങില്‍ നിശബ്ദ പ്രാര്‍ത്ഥനകുശേഷം ഉമ്മന്‍ ചാണ്ടിയുടെ ജീവിതത്തെക്കുറിച്ചുള്ള 3 മിനിറ്റ് വീഡിയോ പ്രദര്‍ശിപ്പിച്ചു.
ജനറല്‍ സെക്രട്ടറി ജീമോന്‍ റാന്നി സ്വാഗതം ആശംസിച്ചു. പ്രസിഡന്റ് ബേബി മണക്കുന്നേല്‍ അധ്യക്ഷത വഹിച്ചു. യുഎസ്എ ചെയര്‍മാന്‍ ജെയിംസ് കൂടല്‍, ഒഐസിസി ചെയര്‍മാന്‍ സന്ദേശം നല്‍കി, അനുശോചന പ്രമേയം അവതരിപ്പിച്ചു.
നോര്‍ത്ത് അമേരിക്കയിലെ സിറിയന്‍ ഓര്‍ത്തഡോക്‌സ് സഭയുടെ മലങ്കര അതിരൂപത ആര്‍ച്ച് ബിഷപ്പ് മാര്‍ ടൈറ്റസ് യെല്‍ദോ, ഡോ. എസ്.എസ്.ലാല്‍, റോക്ക്‌ലാന്‍ഡ് കൗണ്ടി ലെജിസ്ലേറ്റര്‍ ഡോ. ആനി പോള്‍, ഫൊക്കാന സെക്രട്ടറി ഡോ. കലാ ഷാഹി, ഫോമാ പ്രസിഡന്റ് ഡോ. ജേക്കബ് തോമസ്, ഫോമ വൈസ് പ്രസിഡന്റ് സജി എബ്രഹാം, വേള്‍ഡ് മലയാളി കൗണ്‍സില്‍ അമേരിക്ക റീജിയന്‍ പ്രസിഡന്റ് ജിനേഷ് തമ്പി, ഇന്ത്യ പ്രസ് ക്ലബ് പ്രസിഡന്റ് സുനില്‍ തൈമറ്റം, ഒഐസിസി വൈസ് ചെയര്‍മാന്‍ കളത്തില്‍ വറുഗീസ്, സജോമോന്‍ ആന്റണി, ഉമ്മന്‍ചാണ്ടിയുടെ മണ്ഡലത്തെ പ്രതിനിധീകരിച്ച് ന്യൂസ് 18 പാനല്‍, മീഡിയ കോ ഓര്‍ഡിനേറ്റര്‍ പി പി ചെറിയാന്‍, ഓര്‍ത്തഡോക്‌സ് സഭ ഭദ്രാസന കൗണ്‍സില്‍ അംഗം സജി പോത്തന്‍, ഡോ. ബ്രിഡ്ജറ്റ് ജോര്‍ജ് ചിക്കാഗോ, ജോബി ജോര്‍ജ് , അനുപം രാധാകൃഷ്ണന്‍, ഡോ. ചേക്കോട്ടു രാധാകൃഷ്ണന്‍, സാന്‍ ഫ്രാന്‍സിസ്‌കോ ചാപ്റ്റര്‍ പ്രസിഡന്റ് അനില്‍ ജെ മാത്യു, മില്ലി ഫിലിപ്പ്, സ്റ്റീവന്‍ മറ്റത്തില്‍, സജി ജോര്‍ജ്, തോമസ് രാജന്‍ എന്നിവര്‍ അനുസ്മരണ പ്രസംഗങ്ങള്‍ നടത്തി. ജീമോന്‍ റാന്നി, ജോര്‍ജി വറുഗീസ്, ഡോ. മാമ്മന്‍ സി ജേക്കബ് എന്നിവര്‍ എംസിമാരായിരുന്നു
ചാണ്ടി ഉമ്മന്‍ നന്ദി പിതാവിനെ കുറിച്ചുള്ള സ്മരണകള്‍ പങ്കിടുകയും അനുശോചനം രേഖപ്പെടുത്തുകയും ചെയ്തു. ട്രഷറര്‍ സന്തോഷ് എബ്രഹാം നന്ദി രേഖപ്പെടുത്തി. ദേശീയഗാനത്തോടെ സമ്മേളനം സമാപിച്ചു.
