പ്രതിഷേധക്കാരനെ വെടിവച്ച് കൊന്ന ആർമി ഉദ്യോഗസ്ഥന് ടെകസസ് ഗവർണർ മാപ്പ് നൽകി

പി പി ചെറിയാൻ

ടെക്സസ് : ഓസ്റ്റിനിൽ ഒരു പ്രതിഷേധക്കാരനെ കൊലപ്പെടുത്തിയതിന് ട്രാവിസ് കൗണ്ടി ജൂറി ശിക്ഷിച്ച ഒരു വർഷത്തിലേറെയായി ജയിലിൽ കഴിയുന്ന മുൻ യുഎസ് ആർമി സർജന്‍റ് ഡാനിയൽ പെറിക്ക്  ഗവർണർ ഗ്രെഗ് അബോട്ട് മാപ്പ് നൽകി. ടെക്സസ് ബോർഡ് ഓഫ് പാർഡൺസ് ആൻഡ് പരോൾസ് പൂർണ്ണ മാപ്പ് ശുപാർശ ചെയ്തതിനെ തുടർന്നാണ് ഗവർണർ പെറിക്ക് മാപ്പ് നൽകിയത്. കറുത്ത വർഗ്ഗക്കാർക്കെതിരെയുള്ള പൊലീസ് ക്രൂരതയിൽ പ്രതിഷേധിച്ച് 2020 ലെ പ്രകടനത്തിനിടെ യുഎസ് എയർഫോഴ്സ് മുൻ ഉദ്യോഗസ്ഥൻ ഗാരറ്റ് ഫോസ്റ്ററെ വെടിവച്ചു കൊന്നതിനാണ് ടെക്സസ് സ്റ്റേറ്റ് ഡിസ്ട്രിക്റ്റ് കോടതി 2023 മേയ് മാസത്തിൽ പെറിയെ 25 വർഷം തടവിന് ശിക്ഷിച്ചത്.